قصيدة الامير سعود بن بندر رحمة الله

[Hornet]

السلام عليكم ورحمة الله وبركاتة

قصدتنا اليوم من اروع ما سمعت من الشعر المعاصر هي للشاعر
الامير سعود بن بندر رحمة الله ويعتبر في ايامة من الشعراء الفطاحل
بالشعر النبطي.
رحمة الله علية توفى وهو بعمر الزهور فقد توفاه الله تعالى بالعقد الثالث
من عمرة.

لن اطيل عليكم اليكم القصيدة التي تعتبر من اكثر القصائد شاعرية ورقة

قـالوا تـحبه قـلت ماهوب بالحيل ×××× بـس انه أغلى شوي من نور عيني

يـسوى جميع الجيل الأول وهالجيل ×××× أحـبـائي الـمـاضيين والـمقبليني

شوقي له أعظم من ظماالأرض للسيل ×××× وأشـفق عـليه أكثرمن أم الجنيني

وأحـتاج لـه حاجة ثرى مصر للنيل ×××× وعـليه أغـار ولو من ما للوالديني

أشـتاق لـه شـوق الـمحبين لليل ×××× وأرتـاح لـه راحـة دموع الحزيني

لا صـار جـنبي لو سنه وقتي بخيل ×××× ولا غـاب لو لحظات صارت سنيني

قـالوا يـحبك قـلت هـذا هو الويل ×××× مـا ودي أنـشد ثـم رفـضه يجيني

وأهـدم رجـأي بدبرتي مثل ما قيل ×××× والأفـضل أحـيا بـالأمل لو لحيني

يـا حـبكم يـا نـاس لـلقال والقيل ×××× والأمـر لـو سـهل يـصبح مهيني

خـلوني أحـيا في الوهم يا عواذيل ×××× وش دخـلكم والأمـر بـينه وبـيني

رحم الله شاعرنا وتغمده بواسع رحمتة
ودمتم جميعا

 

 

[VIP]

يسلام عليك على النقل صح لسانك والله

[جمايل]

يسلموووووووو على ها القصيده الرائعه صراحه

وصح لساان الامير وتسلم على نقل ها القصيده

[ملسونه وعنيده]

صح لسانك وتسلم يمين نقلت هالابيات الجزله

الله يرحم الشاعر

لاعدمناك يالغالي

ولا هنت

[نوووف]

صح السانك وتسلم على نقل الابيات لاهنت


الله يرحمه رحمه واسعه وكل اموات المسلمين


بصراحه مالقيت بيت اميزة عن غيرة لان البيوت كلها في مستوى واحد وهذا اللي ميزة الله يرحمه

اسمح لي اخوي


هورنت


اضيف بيت واحد له في امه رحمهم الله جميعا



ياليتني بينك وبين المضــــرة

....................................من غزة الابرة اليا سكرة المووت




ودمت لغالينك سالم

[Nathyaa]

روعه روعه

صح لسانك واختيار موفق يا ذوق