قرقيعان وقرقيعان بيت قصير ورميضان

[Nathyaa]

بيت قصير ورميضان





07/10/2006 إعداد: نيفين أبولافي



قرقيعان وقرقيعان بيت قصير ورميضان عادت عليكم صيام كل سنة وكل عام الله يسلم.... يا الله خلها لامها.


هذه الاهازيج ترددها البنات خلال تجوالهن على البيوت.



وترتدي الفتيات الملابس التي اعدت خصيصا للقرقيعان واحيانا يرتدين ازياء شعبية من التراث الكويتي، ويجمعن القرقيعان المكون عادة من 'الملبس والنخي والسبال المحموس والنقل والتين والقناطي والحب'.



وفي حال لم تجب صاحبة المنزل على الفتيات يقلن 'ويص ويص في بيتك جماميص' ويذهبن غاضبات. وقد يضع البعض في القرقيعان قطع نقود فيفرح بها الاطفال.

 

 

[مجرمة قديمة]

ايش حلاتهم ^_^

الله يجزاهم خير

لكن اكثر شي عجبنى

يقلن 'ويص ويص في بيتك جماميص' :p

يسلمو حبوبتى للموضوع الراااااااااااائع

[Nathyaa]

هههههههههه

تعالي شوفيهم يم بيتنا اسم الله عليهم ازعاج هاليهال

تسلمين حبوبتي للمرور

[مجرمة قديمة]

هههههههههههههههههههه

الله يجزاهم ألف خير فديتـــــــهم ^_^

[MisS_MNoOoRA]

الله يخليهم والله

يهبلوون

يسلمو حبوبتي

ويعطيج الف عافيه

[OK]

ذكرتينا بما مضى ,,

والله كانت أيام حلوه الواحد كان يرد بيتهم متغرق بالماى << مو كان فيه ناس نذله :)

تشكرااات على الذكريات ,,

[Nathyaa]

هههههههههههههههههههههههههه


اي والله اوكي

قبل قرقيعانا اشحلاته صج تحس انه قرقيعان

مو مثل الحين

قبل يومين في وحده راكبه سيارتها ومعاها بنتها الصغيره والخدامه

الام توديهم البيوت علشان يقرقعون


بالله هذا قرقيعا ن ؟؟؟


ياحلو قرقيعانا قبل نجتمع اشكثرنا عند راس العاير بنات وشباب ونسوي غزو على البيوت ههههههههه


الشباب بيدهم قواطي حليب التموين علشان يطبلون عليه هههههه

كان صج في امان نطلع لين باليل مانخاف من شي امان


بس الحين البنت تروح البقاله تنخطف


الحال غير الحال


اشفيني فصلت انا ههههههههههه


تسلمون للمرور العسل

[بنت^جابر]

يقلن 'ويص ويص في بيتك جماميص'
^^^^
هذي يقولونها حقنا :p

يسلموووو نثيه:)

[Nathyaa]

هههههههههههه


فديت هالطله حبوبتي