بطلت التدخين

[sash_necoly]

اللهم اني صايم انا بطلت التدخين

النهارده 6 رمضان كل سنه وانتم طيبين
كنت كل يوم قبل رمضان اصحي الصبح اشرب شويه ميه واولع سيجاره وقال ايه علشان نظبط الطاسه ونبدأ نصحي من النوم
ونروح عالقهوه نشرب كوبايه القهوه الساده مع سيجارتين قال ايه بنظبط المظابيط علشان نعرف نروح الشغل فايقين
وطول ما احنا في الشغل عمالين نولع سيجاره من سيجاره قال ايه الواحد متوتر من كتر الشغل
وبعدين لما الشغل يكتر تلاقي حريقه الدخان ذادت اوي
قال ايه الواحد بيركز
وكل سيجاره بنولعها اكيد ليها عندنا سبب
اصلي متنرفز بافكر متوتر .....الخ الخ
وقرب رمضان والواحد شغله الشاغل ازااااي حيقدر يمنع التدخين طول النهار
حاعمل ايه وانا متنرفز او بافكر او متوتر او ..... الخ الخ
وجاء رمضان
وصحيت الصبح عادي خالص هادي خالص
ما روحتش القهوه
وروحت الشغل وقعدت علي مكتبي
واخدت الملفات والاوراق واشتغلت عادي خالص وانا هادي خالص
والشغل ضغط وزاد
ولا اتنرفزت ولا اتوترت ولا حاجه
عادي خاااااااااالص
وركبت المواصلات في الحر والزحمه
وما فيش اي مشكله خالص

وبعد مرور الايام الخمسه الاولي من الشهر المبارك اتضح لي الأتي:
ان الواحد عايش وهم كبير جدا اسمه التدخين
ان ما فيش حاجه اساسا اسمها نظبط المظابيط او نسلطن الطاسه
ان التدخين ليس له علاقه ابدا بالحاله المزاجيه
ان الموضوع كله تعود وليس ادمان
ان الانسان بشلم اراده يقدر يستغني عن التدخين
ان اسناني عاد لها اللون الابيض الناصع

ادعوا لي بقي استمر علي الكلام الجميل ده
لاني اخر مره بطلت فيها التدخين 5 ايام متواصله قدمت
لنفسي مكافأه اني
اشتريت علبه سجاير

اقلعوا عن التدخين
وسيبكوا من الوهم ده


لكي تستمتع بالحياه يجب ان ينبض قلب

 

 

[مجرمة قديمة]

يســـــلمووو للموضوع الرائع

[OK]

الف مبروك

موضوع رائع أتمنى الكل يستفيد منه

[Nathyaa]

تهانينا

الفال للباقي