بسم الله الرحمن الرحيم
السلام عليكم ورحمة الله وبركاته
نعم حاولوا تنصيري ... !!!
يوم الجمعة الماضي بحكم الاجازة الاسبوعية نزلت مع احد الشباب نتمشى بوسط المدينة مع حشرة الناس والزحمة كان الجو رهيب
المهم .. شفنا زحمة في احد الاماكن .. والعالم ملتمين فاللقافة زايدة عن اللزوم عندنا فرحنا نشوف شسالفة
كانت عبارة عن حلقة دائرية جماهيرية ومجموعة من الناس تخطب ... وتغني عن عيسى عليه السلام
كل واحد يطلع ويتكلم عن عيسى والمسيحية واهدافها وقيمها ووووالخ
المهم قعدنا نسمعهم يتكلمون ، وانا كنت ذاك اليوم لابس تشيرت حملة الدفاع عن محمد صلى الله عليه وسلم وكان على الفانلة عبارة محمد في قلوبنا بالانجليزي وعبارة كلنا فداؤك يارسول الله . وانا لابس جاكيت مغطي التيشيرت وانا بقلبي اقول مدري اطلع بنصهم واصارخ واراويهم ولكن قلت العقل زينة وابي ابعد المشاكل
المهم كانوا يغنون .. شوي والا جى احدهم وعطانا دعاية لحضور حفلة غنائية والاغاني عن عيسى عليه السلام والمسيحية .. المهم خذت الورقة وشوي والا يجي رفيجي واحد ثاني ويسأله ها بتجون الحفلة هي عن عيسى ووالخ .. وانا ساكت .. رفيجي على طول ماعنده يمين يسار .. قال للأخ احنا مسلمين وتحلم نجيكم
طلع الاخ مبشر . ولما سمع ان احنا مسلمين بدت القصة
بدأ يتكلم عن المسيحية
قلت له انا اؤومن بان عيسى نبي من انبياء الله وكانت له رسالة وجهها ولكن محمد صلى الله عليه وسلم هو النبي الاخير وهو صاحب الرسالة والدين الأعظم
قال انزين انتوا يامسلمين ليش ما تؤمنون بان عيسى هو ابن الله او انه هو الله ..ويقول ( هو بنفسه ذكر هالشي في الانجيل ) فليش تكذبونه ؟؟
سكت قلت اخليه يتكلم وبالنهاية بيجي دوري
قلت اوكي وبعد كمل
وسأل .. المسيحية أقدم من الاسلام فأكيد هي الصح واسلامكم مبتدع ؟
سكت
قلت اوكي وبعد
قال .. ليش ماتصدقون بان عيسى صلب خاصة مع وجود اكثر من 300 شاهد على هالشي ؟
سكت وقلت اوكي
قلت انزين اللحين دوري قال اوكي تكلم
قلت له
انت تقول بأن عيسى ابن الله .. قال ( نعم )
قلت : اوكي .. بأي نسخة من الانجيل قريت هالخبر ؟؟
عصب وقام يعلي صوته .. وغير السالفة وقام يتكلم
قاطعته وقلت .. جاوبني على سؤالي لا تلف وتدور
قال : النسخة الفلانية
قلت له : من مؤلف هالنسخة ؟
سكت وحاول يغير الموضوع مرة ثانية :
قلت جاوبني
قال : فلان الفلاني
قلت بأي سنة مؤلف الكتاب ؟
عصب مرة ثانية وسكتته وقلت جاوبني
قال : بالسنة الفلانية
قلت اوكي .. كم نسخة عندكم من الانجيل ؟؟
هني وصلت حده وقام يقول انتوا مب فاهمين وانتوا بتدخلون النار وووالخ
قلت جاوبني : قال اعتقد شي وسبعين او ثمانين
قلت انزين الدور علي
. انت تقول ان الانجيل اقدم من القرآن وان رسالته اكيد هي الصح .. اذا شتفسر لي وجود شي وثمانين نسخة من الانجيل ؟؟ شلون تقولي ان الانجيل الحالي صحيح اذا كل مب هب ودب وألف كتاب وحط اسمه ؟ شلون تقولي انه اقدم من القرآن .. اذا كل يومين مألفين نسخة ومنزلينها بالاسواق ؟ والقرآن الكرين هو نفسه من 1400 سنة
قال لا اكيد تغير القرآن خلال هالسنين قلت اوكي روح اي متحف وشوف كتب القرآن الكريم المحفوظة وترجمها وارجع لي واثبت لي ان القرآن محرف
قال بس المعلومات اللي عندنا بالانجيل كلها صحيحة ..
قلت : بشوفك الاسبوع الجاي بنفس المكان . وابيك تثبت لي هالشي
قال شلون
قلت .. روح ودور لي بكتب الانجيل اللي عندكم واثبت لي ان بجميع الكتب
مكتوب ان عيسى هو ابن الله او هو الله .. واثبت لي انه هو الذي انصلب على الصليب .. وجيب لي معلومة وحدة متكررة بكل كتب الانجيل اللي عندكم ؟ اذا بتثبت صحته .. لازم المعلومات تكون موجودة بكل الكتب
اتحداك تثبت لي معلومة وحدة صحيحة متكررة بكتبكم المحرفة
عصب وقام يصارخ وانتوا المسلمين ماتفهمون وارهابيين ومدري ايش
سكت وقلت له .. شوف .. لاتحاول تنصر مسلم روح مع اليهودي او البوذي او الهندوسي
لكن مع مسلم لاتحاول ابدا
شوف المسيحين اللي يسلمون كل يوم بكافة ارجاء الارض .. ولكن ماتسمع عن مسلمين يتنصرون الا نادرا ويكون في حالة الفقر او الجهل وبس واغلبهم من الدول الفقيرة . تغير وجهه واحمر
سكت .. وقلت له.. اشوفك الاسبوع الجاي بنفس المكان وللحديث بقية
مسكت الدعوة وقصصتها جدامه وحذفتها بالزبالة
.....
بسم الله الرحمن الرحيم
هذه قصة بسيطة حصلت لي هاليومين وحبيت اذكرها
اخواني واخواتي .. نعم .. هذا واجب علينا
كمسلمين الدفاع عن ديينا الاسلامي وتحسين الصورة عن الاسلام امام الغرب
صدقوني .. هم قوم جهلة بدينهم ..حتى مبشريهم لايفقهون بدينهم شي
قوم تفكيرهم دنياهم وفقط
ادخلوا لمنتدياتهم وتناقشوا معهم . ستتفاجئون بانكم تعرفون عن دينهم ما لا يعرفونه هم .. لديهم فراغ ديني كبير
تناقشوا معهم بالجامعات .. اثبتوا خطأهم .. وضحوا لهم القليل كل يوم عن الاسلام العظيم .. بينوا لهم خطأ دينهم وانجيلهم المحرف
خاصة ان اغلبهم لا يؤمنون بالمسيحية بل كما يقولون ولدو مسيحيين ويحسون بفراغ كبير ( قاللها لي عديد من الطلاب بالجامعة ويقولون سيختارون دينهم بيوم من الايام ولا يريدون ان يجبروا على دين )
نعم لنشرح لهم عظمة الاسلام .. لنبين لهم معجزات القرآن العظيمة التي لو اطلعوا عليها لاسلموا فورا او على الاقل تشككوا بدينهم المحرف
كم اتمنى ان اجد نفس الشخص الاسبوع القادم واتناقش معه بشكل اكبر .. لعل الله ان يهديه لنور الاسلام
أطلب نصائحكم الكريمة عن مواضيع اتناقش معه فيها واثبت خطأه ومعلوماته ؟؟ كم اريد ان اتكلم معه او مع غيره من المبشرين وانن اثبت لهم اخطائهم
بالفعل .. الحمدللله على نعمة الاسلام . .. كم احسست بالغبطة والسرور وانا امزق الورقة وارميها على الارض .. وانظر اليه وكان على وجهه نظرات الهزيمة والاستفهام من صحة دينه
واجب علينا وخاصة للمغتربين ان نحاول ونحاول معهم .. فهذا واجب علينا نشر الاسلام .. فنحن نجاهد في طلب العلم و لنشر ديننا العظيم
بالنهاية .. اتمنى ان نقف وقفة صادقة
نحاول
بدعوة
طيبة او مناقشة متكررة . قد يهدي الله على ايدينا اخواننا جدد للاسلام ..
الحمدللله على نعمة الاسلام
والسلام عليكم ورحمة الله وبركاته
اخوكم ومحبكم بالله
منقوووووووووووووول
05-06-2006, 01:10 PM
نعم حاولوا تنصيري .. !!!!
المواضيع المتشابهه
