الـيا جيت أبذكر مّيزاتـك عديـده
فيك العقل والزين والعطف واللطف
ماقصدي أحصي حيث ماهي جديده
حبيت أغني إن كان لك بالطرب شف
كل الطرب فكري طروقه تجيده
فرحة عقل موزون ماخالطه خف
وارجع وأقول انك معايه عنيده
رغم أن حبك جارياً مابعد جف
أليا قلت أشوفك قلتي أنتي بعيده
أصبر نشوف وندرس الحال والظرف
واليا قلت يكفي يوم قلتي نزيده
وانا ضميري عذبه كثرة النزف
يا بنت هذا الوقت محداً يعيده
والياقسى يذبح ولا يعرف العطف
والبعد مثل الموت والموت سيده
الجسـم يـبقى والمعالـيق تتلـف
بالله روفي ياعيون الفريده
إن كان طير الحب في خافقك رف
خلّيه يطرب فكي اليوم قيده
ومن السعاده يضرب الكف بالكف
هذي رسالة حب وأحلى قصيده
للصاحب اللي بالهوى لّفني ......لف
الشاعر صلاح شامان الرويلي
23-11-2005, 02:00 PM
لا جيت أبذكر
.. ياسلاااااااااااااااااااااااام 
