فضفضة مواطنه

[Nathyaa]

[frame="1 80"]يسعدلي هالصباح العسل


صباحكم مطر ورعد وبرق هههههههههههه


نخش بالموضوع


اليوم طبعا في دولة الكويت نزلت امطار غزيره علينا


الله يديم هالخير يارب


لدرجة ان الماء بالشوارع وصلت الي نص السياره


المهم


كعادتنا صحينا من النوم ولبسنا الاولاد لكي يذهبون الي المدارس


وبنص الطريق وقفت السياره من كثرة المطر


اتصلت من الموبايل علي المدارس


قلت لهم اليوم في مدارس والا مافي مدارس


علما ان هالاسبوع هو اسبوع الاختبارات الشهريه


كلمت الناظر مباشر


قالي والله ماعندي خبر

قلت له يعني نييبهم المدرسه والا نرجع البيت ؟


قالي والله مادري


ههههههههههههه خوش ناظر


قلت له متي راح تدري ؟

اجابني اذا اتصلت علي الوزاره وقالت لي


حاولنا نكمل المسير الي المدارس


وبعد ماوصلنا المدارس ونزلنا الاولاد ورجعنا البيت


اتصلوا الاولاد علينا يطالبونا بالحظور لكي نرجعهم البيت


ايعقل هذا ؟ظ؟؟؟


وين التخطيط وين التنسيق


يعني المفروض تصير عندهم معلومات مسبقه في كيفية التصرف بهالمواقف



اما بالنسبه لمدارس الثانويه


احدي المدارس تقول :


لازم يمتحنون وبعدين كيفكم


انزين يا جماعه في قرار وزاري في ان اليوم عطله


يقول الناظر انا مالي شغل بالوزاره


خلوهم يمتحنون وبعدين كيفك


عظم الله اجركم في وزارة التربيه[/frame]

 

 

[VIP]

ما يحتاج معرفه من الامطار وطبيعة الجو الخاجي تعرفين ان الطفل لا يستطيع السير او الدراسه بمثل هاذي الاجواء الرائعه الله يزيد ويبارك أمطار تتحلى بها الكويت مشاء الله

[Nathyaa]

المشكله ان قبل سنه صارت نفس الامطار


وماراحوا الاولاد المدارس


تدري شصار


مارضوا المدارس يعيدون لهم الامتحان


هذي المشكله

لابد يصير تنسيق ويتوقعون ان مثل هالامور راح تصير علشان يعرفون اشلون يتصرفون


لان بصراحه ارتباك لابعد الحدود


وكل ناظر يقول والله مادري


الف شكر ماي بوس علي هالطله الحلوه

[الذهبي]

توقع الغير متوقع في بلد لا يوجد بها قرار بتشكيل لجان بل قرارات فردية من المسؤول وبالآخر لا يتحمل قراره بل ينفي ماوُجّه إليه

أنا أقولج سالفة بسيطة

عندي وحدة من الأهل مدرسة بروضة

صار إجتماع مرة ويا الناظرة

بآخر الإجتماع قالت الناظرة في أحد بيقدم أسئلة

قامت المره وقالت ... ممكن تشوفولنا حل بآله التصوير مالت الروضة

روضة شكبرها مافيها إلا آله تصوير وحدة ..... أنزين لو تصرون مو لقسم واحد آله بل لثلاث أقسام موافقين بس مانبقى على آله التصوير اللي بالإدارة
نبي آله تصوير توزعونها على على جم قسم
ردت الناظرة وشكلها يكسر الخاطر

وقالت خلوها على الله انتوا ماتدرون وين يايه هالآله
قالوا من وين
قالت للأسف إحنا كلمنا الوزارة كذا مرة بسالفة الآله وللأسف مايابلنا الآله إلى لجنة الزكاة الخيريه
ولو تشوفين الآله عليها ستكر لجنة الزكاة

والروضة فيها مظلات ... عضو الدائرة اهو اللي متبرع لها هههههههههههههههههههههههه

ورب الكعبه فيها برادات عضو الدائرة الثانيه متبرع فيها بعد

انا ماأقولج ان الروضة بمنطقة يمكن تغض النظر عنها الوزارة بالعكس الروضة بمنقطة حيل راقية وفيها عوائل الديرة

ولكن لو نتحجى مني لي باجر ماكو فايدة ( جربه مشقوقه )

نثيه أنصحج بهالموقع بخربها هههههههههههههههه

https://www.aljasem.org/

وشوفي منو يتحجى بلسانا ..... وانا من عشاق كتابات الجاسم وبحد الجنون وأذكر قبل اسبوعين تسكر الموقع من أمن الدولة .... ويقولون ديمقراطية

ياعمي كلينتون طاقينه ببيضه على وجهه وماقال شي بس اللي قدر يسويه ينشف ويهه من البيض

واهني لو تقوله صباح الخير ... على طول أمن الدولة وإلى غونتانوما هههههههههههههههه جنها قوية شوية

تسلمين نثيه على الطرح الأكثر وأكثر من رائع

قبل مدة انا نزلت موضوع كل واحد يبين سلبيات دولته وللأسف مالقيت اللي ذكر سلبيه وحدة مادري يضحك على نفسه أو يجامل بلده

[توفيق]

ناماني مصدق انكم الى الان ماتعرفون المسؤلين في دول الخليج والخوف من أتخاذ القرارات . صدقوني هذا شيء عادي ولازم اذا اردت تتخذ قرار أن تجيب خبير من برا

وأن أجتمعو على ان يتخذون قرار الله الوالي لك تشوف الهوشات والردح والشتائم وخير برها عندكم مجلس الامة مع المعذره لتدخلي وايضا عندنا وعندكم خير ولا تزعلون مني.

مع تحياتي وبالرفاه.

[AL_3oooD]

المشكلة الوحدية هي التنسيق بين المدارس والوزارة

والف شكر لج مراقبتنا على الموضوع

[ROLZ]

الله المستعان

ودي يكون فيه هاتف مجاني لكل وزاره على مدى 24 ساعه للاقتراحات والشكاوي


-

مشكوره نثيه
وربي يعينكم

[Nathyaa]

الذهبي :

قلبه متروسه هههههههههههههههههههههههههههههههههه


وماخفي اعظم يا متألق



والله مسكين الشعب


ثق وامن بالله ان الرووس الكبيره ماتدري هذول المسؤوولين الصغار هم اللي رايحين فيها


الوزاره مخصصه كل شي للمدارس بس للاسف ان المسؤولين مسكرين علي الاغراض مادري ليش



في حادثه صغيره



مدرسة رسم قالت للاطفال كل وحده فيكم تييب معاها ( مقص - قص ولصق - كراسة رسم - الوان شمعيه - الوان مائيه - بتكس .......ز الخ )


واللي ماتييب اوديها للناظره


المهم

بعد يومين دخلت بيتها المدرسه وامام عيوني بيدها كراتين من البتكس والصصمغ والالوان والمقات و..... الخ


انا صدمت

قلت لها معقوله هذي سرقه قالت لي عادي البنات ييبون معاهم كل شي


قلت لها بس هالاشياء المفروض المدرسه توزعها


ردت علي بكل بجاحه


انا اقول لهم ييبوا اغراض واعطيهم فرصه اسبوع واللي ماتييب اطقها


واذا شفت ماكو فايده من بعض البنات عطيتهم انا من الكراتين اللي عندي



قمه بالمهزله


الف شكر يا متألق علي الفضفضه اللي طالعه منك من قلب

[Nathyaa]

توفيق :


كلامك 100 % صحيح


الله المستعان


هذول العرب



الف شكر للمرور خيو ويعطيك العافيه

[Nathyaa]

العود :



تسلم خيو علي التواصل


وفعلا هني مربط الفرس