ايهما افضل العمل في القطاع الحكومي او الخاص

[Nathyaa]

[frame="1 80"]
ايهما افضل العمل في القطاع الحكومي او الخاص

اخواني اخواتي
ساطرح عليكم موضوع ارجو الرد بموضوعيه
العمل دائما بحاجه الي ايدي عامله وماشاءالله عندنا الديره متروسه خريجين لكن وين الوظيفه ويحتار الشاب بين الوظيفه في الحكومه او في القطاع الخاص .
ابي اشوف ردودكم وين احسن العمل في الحكومه او في القطاع الخاص مع ذكر السبب

وشكرا لكم [/frame]

 

 

[لاجئ سياسي]

أختي انا في ظني هذا محتاج وهذاك محتاج

نحن عندنا الحاجه في القطاعين

ولكن للأسف نفضل الحكومي للميزات وللتقاعد مستقبلين

ولكن الخاص محتاج التوطين ومحتاج الأيادي العامله المواطنه

ولكن أكثر الرفض وانا اتكلم على مستوى دولتنا يجي من اصحاب الشركات والمؤسسات .!!

يقولون المواطن يطالب بالراتب المرتفع ومايرضى بالخمس او الست الأف اللي بياخذهم عندنا يبغي أكثر وكثير الغياب او الأستأذان اثناء الدوام الرسمي

وتلقين الشباب والبنات يتجهون للعمل في القطاع الخاص فقط في المصارف والبنوك والاتصالات

والله ياجماعه لو أطرح عليكم رقم الخريجين الجامعين والعاطلين من العمل في دولة الامارات بتكون صدمه لكم

أكثر من 32 الف عاطل عن العمل من الجنسين؟؟!!!

وانا اتكلم عن نفسي اذا أحتجت للعمل في القطاع الخاص بشتغل اي مكان ولكن مابصبر او هم مابيصبرون عليه

لاننا تعودنا خلاص على الراحه والرواتب المرتفعه والمميزات

مشكوره يالغاليه وخلينا انشوف آراء الأخوان

[Nathyaa]

وجهة نظر حلوه ومعقوله


عندك مثلا الكويت اجمعت بين الاثنين


قالت للناس روح-وا اشتغلوا بالخاص وانا ازيدكم


مثلا علي سبيل المثال


شخص يشتغل بالقطاع الخاص ياخذ مثلا 350 دينار

الحكومه تعطيه 250 دينار زياده علي المعاش

غير الزوجيه والاولاد والاجار طبعا

الزوجيه 180 دينار وكل ولد 50 دينار والاجار 100 دينار


فصار المعاش مثل الشغل الحكومي بالضبط


ليش ماباقي الدول تحذوا حذو الكويت في تشغيل الايدي العامله الوطنيه


الفل شكر علي مرورك

[VIP]

شئ طبيعي القطاع الحكومي مستقبله أفضل اما الخاص ممكن يعطونك مستحقاتك بأي وقت ويستغنون عنك وهذا اللي حاصل مع شخصين أعرفهم شخصياً ولم يسبق لهم بأن عملوا بالقطاع الخاص الا لمدة سنه او أقل
للأسف .

انا أفضل الحكومي

[Nathyaa]

اولا يسلموووو ليدر علي مرورك


ثانيا

طلعت عندنا سلبيه ثانيه لازم الحكومه تاخذها بالاعتبار

وهي الضمان الوظيفي


بانتظكار باقي الاراء من الاخوه والخوات

الف شكر علي مرورك ليدر

[لاجئ سياسي]

أختي انا جمعت الراتب اللي اللي تكلمتي عنه

وبصراحه شي جميل وحلو

يعني حوالي عشرة الاف درهم والله خطوه ممتازه من الحكومه

ولو الكل يسوي نفس ماقلتي بتنحل مسألة البطاله ومسألة لتوطين في نفس الوقت

وبتكون الافضليه للأثنين لان دايماً نبحث عن المميزات

وهنيه صارت المميزات وحده

اتمنى ان ارى مثل هذي الآليات الفعاله والقوانين الجميله عند الكل

ومن ناحية الضمان الوظيفي

لازم تأخذه الحكومه بعين الأعتبار

لان يجماعه ترى والله نحن مغلوبين على امرنا في بلادنا

يعني اتصورو هذيلا الأخوان اللي يتكلم عنه الاخ ليدر وعلى سبيل المثال

خذو قرض من البنك للزواج او لبناء منزل او غيره وفجاة يقولون لهم هذي مستحقاتكم وغالباً ماتكون راتب شامل لكل سنه ..!!

وبعد شهرين او ثلاثه البنك رقع قضيه يطالبهم بحقه ؟؟

[الكليب]

انا اقول كله نفس شي لنه هذي موميزه وهذي موميزه وكله فيه اكل عيش وتقاعد نفسه وكل طرق توئدي الى رومه الهدف اكل العيش

[Nathyaa]

سياسي :

كلامك صحيح


صارت المشكله الوحيده هي الضمان الوظيفي


والله اتمني من كل الدول انها تسوي مثل ماسوت الكويت


علشان نقضي علي شي اسمه بطاله

[Nathyaa]

الكليب :

والله صاج


كل واحد يدور علي لقمة عيشه باي مكان

الف شكر لك