أبشركم امي خطبت لي نانسي .. ؟؟؟؟
هذي سالفة شاب يبغى يخطب وهذي الحكاية
من البداية الى النهاية
هذي سالفتي يوم جيت اخطب
في يومن من الأيام وانا اقلب في المجلات الفنيه واتفرج على الصور الي كل وحده احلى من الثانية شفت صورة ( نانسـي بنت عقرم ) ...
كعيت فرامل وقعدت اناظرها وخذت ربع ساعه يمكن وانا اتمقل فيها ...
ثمن قلت مابدهاش وانا الي انادي امي........
ماسمعتني واصرخ بكل صوتي يمممممممممممممه.......... ........
التفتت على امي وقالت تراك ازعاج وش تبي ؟؟؟؟؟؟؟؟؟
قلت لا ابيك بموضوع مهم وخطير انا اتخذت قرار ومانيب متراجع عنه..
امي : وش قررت اخلص
انا:ابي اعرسسسسسسسسسسسس
ردت امي سريع : وقالت عاد من زينك هالحين ولا من زين طبايعك علشان تعرس خلك
تخلص دراستك ويصير خير
انا : حرام عليكم انا مسكين ماغير اطالع هالصور واتعذب
ولا مانيب ولدكم يعني...
وقعدت ابتسي واعصر دموعي وما نزل الا دمعتن وحدة..<<- دموع التماسيح
امي: خلاص انا قررت اتهور وازوجك بس بنت من اللي تبيها
انا : بنت عقــرم ....
امي: من عقـــرم .....
انا قصدي ابيك تشوفين لي وحدتن تشبة نـانسي..
لحظة خليني اشق لتس صورتها من المجلة..والله واشق صورة نانسي وقلت لها هذي هي ابي نفس المواصفااات ...
امي : خلاص بكرة فيه عرس لولد جاركم بشوف لك فيه بنت مزيونه ونشوف عااد
جاء بكرة>>
وصلت امي للقصر انا عاد اول مره انتظر جيتها بكل شووق وحنيين وراحت العرس بعد ساعات طويله من الانتظار جاءت امي
وقالت : مبرووووووووووك لقيت طلبك وخذيت رقم امها
دقت عليهم امي في اليوم الثاني ردت البنت وانا ملصق اذني في
السماعة ابي اسمع صوتها علطول امي مسكت سلك التلفون ولشطتني على ظهري عشان اضف عنها وتعرف أتكلم شوي ..
جت امي تزغرررت وتقول مبرووك وافقو مبدئياا رحت بالخبر وانتظرت اليوم
الموعود وانا اغني ( نحمد الله جت على ماتمني )
رحت للحلاق وقلت لة صنفره كامله..
قال وش اصنفر وش اترك ..
من زود الجمال طبعاَ ..
الوكاد ثمن رحت لأبو نسب على شان يشوفني واشوفه ..
رنيت الجرس وفتح اخوها الصغير وكان دبببببببببببب شكله بريئ مرره
البراءه تبي تظهر من عنووونه .... <--- هين
قال لي بلهجه غريبه ... من انت ؟؟؟؟... ؟؟؟؟
قلت له علطوووول : عيب يا بابا انا بصير زوج اختك
مامداني اقول هالكلمه الا هو يتلحووس ويزررق داخل البيت
واسمعه يصارخ ويقول والله ما ياخذ اختي هو وجهه ذا اللي تسنه خبزة تميس
شوي الا ابوه جاي وماسكني وقال وش عندك يابو الشباب ...
فقلت له انا الخطيب ...
استقبلني زين ودخلني المجلس
قام يحقق معي وش معك شهادات وخبراتك وكم عمرك ومن هالكلام
وانا ماغير اتصبصب عرق من رهبة الموقف
واحنا نسولف انا وابوها دخل الدب البرييئ
( يا ان ماهظمته )
ويمد لسانة ويقول والله ما تآخذ اختي ...
فقال له الابو : انزلع لابارك الله فيك يالدلخ...فشلتنا قدام ابو نسب
قال الأبو : ماودك تشوف البنيه ...
قلت اجل جاين اشوفك انت والا ولدك هالدب
راح ابوهم داخل البيت وجاء الدب وهو يصارخ ويمد لسانة ناديتة وقلت تعال يا شاطر
>>> مسوي عاقل انا ولا ناوي العن سلسفيله بس بعديين اوريك انا
قلت له تعال ياشااطر بعطيك عشره ريال وتكفيني من شرك...
قال خلاص اخيرا صرفتة وافتكيت منة
يوم دخلت البنيه وهي مستحيه وخجووله...
انا علطول عيوني على الارض وارسم باصبع رجلي الكبير دوااائر
<<-- يقال له استحى الولد
قعدت جنبي وقالت : السلام عليكم
يوم رفعت دمجتي عشان ارد عليها السلام توقفت الكلمة ببلعومي ( نشبت )وماعاد قدرت اكمل
وشلون اكمل
وانا اشوف
اشين
واقبح
وابيخ
واكبر
واضخم
واسمن
ووو...
انسانه على هالارض
هذي الدبة يبغالها اثنين يقطون ويتزوجونها
شقلت جروح تقط معي
خخخخخخخخخخخخخخخخخ
فكرت وقعدت احك خشمي>> لاحظوو
وشلون اخلي البنت تقول لأمها مابييه مابييه معقد معقد ..
فقلت للبنت انا عندي شروط
قالت لي أمرك : قلت انا صاحب مخمخة خاصتن تالي الليل
لاتستغربين اذا دبجتك على بطنك تالي الليل وانتي نايمة وقلت لك قومي
صلحي لي معسل والراس ابية يكون ثلاث جمرات ...
من الصغار والماء ما تتعدا النص ومعها ثلج ...
فقالت لي والابتسامة تعلو خشتها :ابشر بس عليك بالمعسل التونسي والبحريني
تراها زينه..
(طلعت خبيرة وراعية معسل بعد صكت على فتوووون(الجفول ) )
قلت لا واحيانا تكون شيشة قالت تبي اولع لك الرأس والا انت تحب تولعه
( يعني مافيه امل افتك منها )
دخل ابوها واول كلمه قلت لة انت اسكت لا اسمع صوتك...
بيتكلم فصخت عقالي
بديت اتمردغ ببطنه ( تشويه لسمعتي )
عشان يطردني من بيته...
ويوم طلعت لقيت الولد الدب فوق سيارتي وانقز عليه والعن سلسفيله مثل ابوه
( عاد انا حاقد علية من اول )
وخذيت منة العشره ريال الي عطيته
الا ابو البنت يصرخ تعاااال سو اللي تبي
بس خذها موافقين
ركبت سيارتي وجيتك سافط الطبلون للبيت
لقيت الوالده
قلتلها: هذي تشبة نانسي ؟؟؟
وش مسوي لك تبي تذبحيني والا تبي
تتخلصين مني اكيد ما تحبيني
قالت هذا طلبك وانا امك
نفس اللي بالصوره اللهم اختلاف بسيييط
وهذي هي الصوره خذها
هذا جزاي اتعبلك انت ووجهك
خذيت الصوره بسرررعه وطاحت عيوني عليها
اثرني قاص صورة بنت عقرم من الجهه الأولى
والجهه الثانية صورة وحدة من افريقيا لرفع الاثقال
او انها ان ماخاب ضني مصارعه وزنها 340كيلو جراهام فيل او اكثر
مايستفاد من القصه :
1/ الطمع موب زين وانا اخوكم...دور لك وحده فيها من جمال الله .عادي ...
2/ قبل تتزوج اي بنت اختبر اخوها..اذا هو حقنه انحششششششش...
3/ لايهمك الجمال بقدر الاخلاق =-> افلقني يالتسذوب
4/ أحاول أرسم الابتسامه على وجوهكم وريحكم من عنا الدنيا ومشاكلها
وسلامتكم
27-07-2005, 01:55 AM
أبشركم امي خطبت لي نانسي .. ؟؟؟؟
المواضيع المتشابهه
