اسمه في جوالها امل عمري

[VIN_DIESEL]

حكاية شاب وسيم عمره 23 ما يعرف عن الحب شي ولا مره بحياته حاول انه يعرف شي عن الحب.ا

له طله مقبوله واللي يشوفه على طول يحبه .

سافر والله وفقه بوظيفة بس بعيدة عن منطقة أهله اللي ساكن فيها والمكان اللي توظف

فيه يمشي الحال بس زيارات البنات علي المكان هذا كثيره وبيوم جت وحده ودخلت المكان هذا وشافت الولد

هذا فأعجبت فيه و أخذت رقم المحل واتصلت فيه اول ما رجعت

للبيت اتصلت عليه وحاولت تحتك فيه بالكلام بس حست أسلوبه

جاف شوي ولا قدرت تأخذ وتعطي معه . وصار كل يوم الســــــاعة 11 المساء

تتصل عليه على شان تتعرف اكثر عليه وتتكلم معاه وهو

ما يعرف ايش يقول بس يسمع ويقول آيه او لا .. وطالت الأيام على

الطريقة هذي تشجع مره وسألها أنتي ايش الهدف من مكالماتك

هذي ولوين تبين توصلين

هي جاوبت على طول لأنها منتظره السؤال

هذا قالت ابي أوصل لقلبك

!!! قال طيب آنا ما اعرف شي عن الحب

ولا حتى اعرف أتكلم فيه ولا اافهم لغتة قالت آنا بعلمك على

أيديني واخليك فيلسوف حب . المهم طالت المحادثة وجت أيام

وراحت أيام وعلى الطريقة هذي وهي تعلم فيه وهو يستوعب بسرعة

لين خلاااااااااااااااااااااااص حب الولد من كل قلبه لدرجة

انه صار ما يقدر ينام الليل من كثر التفكير فيها وكل اصدقائه

صاروا يحسون انه متغير ولا يأكل ونحف وصار يفكر كثير ويسرح

كثير وأحيان يخطي باسمها وينادي اصدقائه وهم مايبون يسألونه

من الاسم هذا لان من شكله مبين انه حب وخلاص أعلى مراحل الحب وصل .ا

درات الأيام ومرت سنه على الطريقة هذي..

اتصل عليها بيوم وكان مزعوج قالها أنتي شفتيني وشفتي شكلي

وعرفتي أسلوبي وصار لنا سنه الحين ولا شفتك ولا حتى شفت صورتك

قالت له انتظر شوي لين يضبط وضعي واخليك تشوفني قال.. لا ..لا.. لازم

أشوفك وما راح اسكر لين توعديني متى قالت طيب الخميس الجاي راح

نطلع للمكان الفلاني نتقابل هناك والكلام هذا كان يوم السبت

( تخيلو الانتظار كيف راح يكون من يوم السبت لين الخميس اصعب لحظات)

عمره كان مقضي يومه كله نوم علشان تمشي الأيام بسرعة...

وصل يوم الأربعاء بدأ يفكر كيف راح يكون شكلها طويلة قصيرة

بيضا سمره نحيفه دبدوبه حلوه مثل ما هو راسمها بخياله .ا

كان يفكر بكل شي .ا

واتصلت عليه يوم الخميس قالت له يالله طالعين وسيارتنا كذا

شكلها ولونها كذا ورقم اللوحة كذا قال تمام قال اسمعي آنا كل

الطريق مقدر اصبر أبيك كل دقيقتين تشيكين على جوالي علشان

أحس انك معاي موجودة وادري انك ما تقدرين تكلمين لان اهلك معاك صعبه

بس اقل شي كل دقيقتين شيكي قالت اوكي تحركت السيارة وهو حرك

بعدها على طول وكل دقيقتين تجيه تشييكه وعلى الجوال لين انقطعت

التشييكات اكثر من عشر دقايق ما قدر يصبر أرسل رسالة ولا ردت عليه

تردد بالاتصااال تردد و تردد كثير ما يدري يتصل آو يخاف يحرجها مع

اهلها المهم قرر ويوم دق على جوالها مر من جنبه سيارة إسعاف

متجهة بنفس الطريق اللي هو يمشي فيه من كثر ما هو مخبوص نزل

الجوال جنبه أسرع ورا السيارة وخلى الجوال يدق ( معاودة الاتصال آليا)

المهم وصل شاف حادث مرعب .. بشع وشنيع...

عائله كاملة يمين الخط منتثرة فيها أربع بنات وشايب وحده عجوز

كلهم حالتهم وأشكالهم ميئوس منها بشكل خيالي . السيارة هي نفس

السيارة ونفس اللوحة ونفس اللون بس كيف راح يعرفها بين البنات الأربع

وهي ما وصفت له حتى شكلها نزل مع اللي نزلو يشوف بقايا حلمه وبقايا

أمله صار يناظر يمين يسار ولو يشوفها ما راح يعرفها!!!!!!!!!!

سمع صوت جوال يرن حاول يتبع الصوت لقا وحده من ا لبنات ماسكه الجوال

ويرن بيدها وهي شبه ملطخه بالدم ومافي آمل من إنها تعيش آلا بعد إذن

الله شاف اسم المتصل بجوالها لقا مكتوب!!!!!

( أمل عمري) وفتح الرقم وكانت الصدمة انه شاف رقمه ....

وبقي يطالع بصاحبة الجوال وحده كان الجمال ما انخلق لغيرها

بس للآسف فارقت الحياة وانقلبت اسعد لحظات عمره بثواني الى أتعس

أيام العمر الرقم لقاه رقمه ولقا اسمه مكتوب ( آمل عمري )

صدمة خلته ينهار ويغمى عليه وانقلوه معاها للمستشفى هي

انتقلت الى رحمة الله بس هو عاش آو اقصد ما عاشت الضحكة بعدها يوم .

وترك الوظيفة وتعقد من عيشته وصار يكره نغمة الجوال

ولا يتكلم مره غير اذا كان مجبور انه يسولف

ويكره أي واحد يجيب أبجدية كلمة حب عنده

سافر عن المنطقة

اللي كان موظف فيها وتعرف على آمل عمره اللي أنــــتــــهى فيها .

واخذ عهد على نفسه انه مايجي المنطقة هذي آلا بنفس اليوم

اللي توفى فيه حلمه وصار كل سنه بنفس اليوم يسافر للمنطقة

ويمر نفس المكان ويجلس فيه ساعة ويرجع لمنطقته


اخوكم الرومنسي فان ديزل ....

 

 

[Nathyaa]

انا لله وانا اليه راجعون


الله يصبر قلبه


يسلموووووووو علي عوار القلب يا مذهل

[VIN_DIESEL]

الله يسلمج نثيه

[~*~عاطفية~*~]

الله يكون بعونه :(

الله يعطيك العافيه فان ديزل على القصه

[VIN_DIESEL]

الله يعافيج مسس مشكورين كلكم على اهتمامكم وتشجيعكم

[أحلي_حمودي]

لا حول ولا قوه الا بالله
يسلموووووووووووووووو

[جارة القمر]

قصة مؤلمة ...الله يسامحك يا ديزل

والله ان جسمي قام يرجف عند مقطع الموبايل وهو يرن ومكتوب عليه امل عمري

الله يعين قلبه

مشكور اخوي عالروائع اللي تنقلها لنا

تحياااتي

[غشمرجيه]

الله يعينه ويصبر قلبه



مشكور على القصه فان

[أحلي_حمودي]

يعطيكم الف عافيه
علي القصه
يسلمووو

[VIN_DIESEL]

مشكور احلى حمودي على مرورك

مشكوره يالغاليه (غشمرجيه)

يعطيج العافيه يا امراه من جليد الصراحه انتي تستاهلين عيوني بس اطلبيها