غريبه

[Nathyaa]

شلونكم يابنات شخباركم؟ ها بشروني شخبار الطبخ والنفخ معاكم؟ ادري فيكم بناتي واكيد متفلسفين على ريايلكم ومخزمينهم عدل وتارسين كروشهم . عفيه عليكم
عاد اليوم بنسوي غريبه .. اييي يابنات الغريبه لها ذكريات عجيبه . كنت اسويها حق ابوكم العود دندرمه حق ربعه بالديوانيه وكل مره يقولي بيضتي ويهي . عاد انتوا بيضوا ويهي مع ريايلكم
الحين خلونا نبدي . بسم الله بدينا وعلى النبي صلينا
نحتاج حق طبختنا باكيت زبده الكبير وقلاصين طحين وقلاص شكر ناعم مطحون وهشوية هيل
اول شي نخلط الشكر مع الزبده ونفركهم عدل وبعدين نحط الطحين مع الهيل شوي شوي ونحرك الخلطه لما تصير عيينه لينه شوي . بعدها تاخذين شوي من العيينه بايدج وتكورينها وترصينها بالصينيه وبعدين رعصيها بصبعج شوي من فوق عشان تصير فيها مثل خفسه . خفس الله ويه العدو
وتسوين نفس الطريقه لما تترسين الصينيه .. اييي قبل لا انسى دهني الصينيه بشوية زبده قبل لاتحطين العينه عشان لا تتلزق وتكسر . بعدين شبي الفرن ولما يصير حار حطي الصينيه داخل . بس حطي بالج ترى بسرعه تستوى ولا تخلينها وايد عشان لاتحترق الغريبه . لاحظيها راح يتغير لونها شوي شوي . واذا تبينها تصير محومره من فوق عقب ماتشوفينها استوت شبي الفرن اللي فوق بس شوي مو وااايد حطي بالج ترى وربي يكفخج ريلج تكفخ . وبعدين شيليها وعطيها حق ريلج وقوليله اطفح عسى يبين بعينك . عاد اذا قالج مو حلوه فصخي السبتيه من ريولج ولبلبيها على راسه وقوليله صج ماعندك ذوق

 

 

[qazwsx]

الله يبليكم على المطبخ بس الصراحه بنات هاليومين الظاهر ما يدشون المطبخ هذا اكبر دليل محد رد :)

[Nathyaa]

«®°·.¸.•°°·.¸¸.•°°·.¸.•°®»[glow1=FF3399]ههههههههههه هههههههههههه اي والله الحين الله يعز الفلبينيات كلشي يسوون لوووووووولي
ميرسي علي المرووووووووووور[/glow1]«®°·.¸.•°°·.¸¸.•°°·.¸.•°®»

[xKuwaityx]

لووووووووووووول غريبة وايد اسمع عنها بس ماعرفها!!!!
يمكن كليتها قبل لما كنت صغير بس ما اذكرها :rolleyes:
مشكورة

[Nathyaa]

«®°·.¸.•°°·.¸¸.•°°·.¸.•°®»[glow1=FF3399]ههههههههههه حاضرين كويت اسويها لك بس نصيحه قبل لا تاكالها اتصل مسبقا برقم 777 وذالك للاحتيااااااط [/glow1]«®°·.¸.•°°·.¸¸.•°°·.¸.•°®»

[xKuwaityx]

خلااص هونت P:
السالفة فيها تسمم لا يبا لا يحوووووووووشك ... بس مشكورة على الدعوة D:

[جمايل]

:mh085:هههههههههههههههه

نثيه لا تعمين على البنات كلهم فيه منهم راعياات طبخ ويتفنن بعد

ويسلموو على ها الغريبه الحلوه بس ما ادري طبختها والا لا؟

[Nathyaa]

«®°·.¸.•°°·.¸¸.•°°·.¸.•°®»[glow1=FF3399]لوووووووووووووولي تسلمين يا قلبي بس بصراحه فئه قليله جدا اللي تدش الحين المطبخ وهذا بفضل وجود الطباخات والفلبينيات[/glow1]«®°·.¸.•°°·.¸¸.•°°·.¸.•°®»

[kuwait]

مشكوووووووره يا نثيه
على الطبخه الغريبه

[Nathyaa]

يسلموووو بوهيا علي المرور العسل