معشوقتي من لّها غيري وأنا من لّـي
ما تعشق إسواي وأنا ما اعشق اسواها
ان كان جاني بعَضهـا جيتهـا كلّـي
وان كان راحت , عيوني نثّرت ماها
عشقتها , سالفة مجنون ليلـى اللـي
ما ضيّعه من حياتـه غيـر فرقاهـا
ياناس والله لراحت لـي كمـا ظلّـي
ما فيه لحظة تمـرّ بـدون طرياهـا
يمرّنـي طيفهـا يـوم إنّـي أصلّـي
واحاول أحسب كم الركعات ؟ وأنساها
حلاوةٍ قلـت حلّـي يـا حـلا حِلّـي
ملكك عروقي من أدناها إلى أقصاهـا
في داخل القلب مالي غيـرك مسلّـي
بـسّ أتغـدى طيوفـك وأتعشـاهـا
يا بري حالي , ويا ويلي , ويا غلّـي
الله يعـجّـل بلامـايـه ولامـاهـا
يلومني واحـدٍ ماهـو صديـقٍ لّـي
يموت ما شاف ميزة مـن مزاياهـا
ماشاف ريـم الفـلا مزيونـة الدّلّـي
اللـي ينقّـط عسلهـا مـن شفاياهـا
ربّي كساها لبـاس الزّيـن بالملّـي
في صورة البـدر عدّلهـا وسوّاهـا
أخذت من الزين حتّـى فلّلَـت فلّـي
ويوم إكتفت , شاتت الباقي برجلاهـا
والباقي الفائض اللـي شاتتـه خلّـي
تقاسمنّه " عبيـر أحمـد " وشرواهـا
للشاعر : وصل مشهور العطياني
14-07-2006, 02:33 PM
المواضيع المتشابهه
