قال هذه القصيده قبل وفاته

[Nathyaa]

[FRAME="1 70"]للشاعر المقدم / نمر السحيمي الحربي - رحمه الله -

قد قال هذه القصيده قبل وفاته

لأنه رى في المنام أن منادياً يناديه

وأنه ميت فقال هذه القصيده وأودعها في درج مكتبه

وعندما توفي .. وعند تفتيش مكتبه وجدوها فيه

رحمه الله رحمة واسعه ... فقد عزى نفسه قبل أن

يشيعه المشيعون ..

جاني وانا في وسط ربعي وناسي جاني نشلني مثل ما ينشل النـــاس
مني نشل روح تشيل المآســـــــي تشكي من ايام الشقى تشكي اليـاس
اثر الالم في سكره المـــوت قاسي ماهالني مثله وانا انسان حـــساس
جابوا كفن ابيض مقاسه مقاســــي ولفوا به الجسم المحنط مع الـراس
وشالوني اربع بالنعش ومتواســي عليه ومغطى على جسمي البـــاس
وصلوا علي وكلــــــهم في مــآسي ربعي ومعهم ناس من كل الاجناس
ياكيف سوا عقبنا تاج راســــــــي وامي الحبيبه وش سوى بها الياس
اسمع صدى صوت يهز الرواسي قولولها لاتطــلــم الخــد ياناس
قولولها حق وتجرعت كاســـــــي لاتحترق كل يبي يجرع الكـــــاس
اصبحت في قبري ولابه مواسي واسمع قريع نعولهم يوم تـــــنداس
من يوم قــــــفوا حل موثق لباسي وعلى رد الروح صوت بالاجراس
هـيكل غريب وقال ليه التــــــناسي صوته رهيب وخلفه اثنين حـــراس
وقف وقال ان كنــت يانـمر نـاسي هاذي هي اعمالك تقدم بكـــــراس
ومن هول ماشفته وقف شعر راسـي وانهارت اعصابي ولاارد الانـفاس
يالــيتــني فكرت قبل انغمـاســـي بالـغفله اللي منتـهاها لــلافلاس
وفزيت من نومي على صوت ناسـي واصرخ واقول الموت وأحذر الناس

ملاحظه / نقلتها للفائدة وأخذ العبرة ولكم مني التقدير والأحترام[/FRAME]

 

 

[الجوري]

صح السانه

ولله يرحمه وتسلمين على النقل

قصيده قمه التعبير

[فتاة الاسلام]

فعلا قصيده مؤثره جدا

واذا تسمحين لي يا نثيه هذا فلاش عليه
قمة بصراحه

وهذا الرابط
https://flash.ma3ali.net/create.php?card_id=55

[Nathyaa]

الجوري تسلمين ياقلبي للممرور

[Nathyaa]

فتاة

تسلمين ياقلبي على الفلاش الروعه

الله لايحرمني منج ياقلبي