الفرق بين بنات جامعه زايد وتقنيه

[بنت السويدي]

شو الفرق بين جامعة زايد و التقنية .. أكــــيد في أشياء وايـــده مختلفه .. والكل يعرف هالشي .. وفي مميزات بارزه لبنات زايد وبنات الكليه .. بنبتدي اول ميزه من بنات جامعة زايد ..



جـــامعة زايـــد : من ناحية الكلام .. اللغه السائده في الجامعه ..



بنـــــات جامعة زايد معروفات انهن يدخلن في رمستهن انجليزي .. او البنت تتكلم كله انجليزي .. يعني ترمسها عربي ترد عليك انجلـــيزي .. وتوهق عاد انته اذا ماكنت تعرف انجليزي .. مثلا اذا كنت في مكان . وشفت وحده شكلها مال جامعه .. وادخل في رمســـتها انجــليزي .. اعرف انها من جامعه زايد .. اوووه أســـف من بنات ZU على قولتهم يعني .. يعني زايد ينيفيرسيتي .. مثــال:- شقى ادخل .. اذا ســـألتها ..



ويـــنج من زمان مادخـــلتي .. المسنجر .. تقوولك



SORRY والله كنت وايد BUZY .. من ال CLASS لين الLIBRERY.. والله I’M SORRY..

ويوم اقوولها شحالج .. تقوولي ..

OK NOT BAD

او تقول ..



والله AM FINE ...



ولا وحده تقوول .. وانقلها لكم كوبي بيست ..



(( ودونا Trib البارحه والله COOOL الصراحه استانست .. وايد بس اللي نكد على جبدي ال SIR مايخووز موول تخيل من الساعه نين ثيرتي (9:30)..

لين ثري فيفتين (3:15) وهو يهذرب .. مايصك البوز..

ويوم رديت البيت .. كل شوي اتكلم انجليزي

I MEAN . بدال مااقوول ابا حليب .. اقوول ابا MILK.. OR SOME THING LIKE THAT ..YOU KNOW

وانا على نياتي أقوول هي أي نوو ..





ويعني الكلام كله تدخيل عربي على انجــليزي.. بس تبون الصراحه عيبتني رمستهم .. بس حرام لاتلومونهم هم مب خقاقات .. والله .. الله وياهم .. من كثر مب كارفينهم .. 24 ساعه انجليزي في انجليزي ..



الله يعينكم يا بنات ZU ..





بنات التقنيه .. من ناحية الكلام .. اللغه السائده في الكليه ..





مــــــــاشاء الله ماشاء الله عليهن بنات الكــليه . مايخلطن شرات بنات زايد .. يعني .. نادر ماتشووف بنات رمستهم مخلطه .. وعلى ما اعتقد حتى ماعندهم بنات .. اربع وعشرين ساعه يتكلمون انجليزي ..



يعني ترمسهم عربي يردون عربي بدون تدخيل .. يعني اونهم بنات الكليه اذا بيدخلن .. قالوولك ..



YES



NO .



CLASS ..



TEACHER .. SIR MESS .



بس يفكــــون الواحد مايوهقونه .. يعني اذا انا دخلت انجليزي وعندي تنقيع في الانجليزي يمكن مايهتمن ويطنشن .. بس بنات زايد بيقوولوولي ..



LOOOOOL .. you have a mistake .. t3al ba3alemk yal yaheel ..



بس حرام مابظلم .. مب الكل النص .. بس الاغلبيه مابيصــلحوون بس بيظحكون عليــه ...



بنـــــات التقنيه .. اووه I mean سوووري تأثرت من بنات جامة زايد .. انا اقــصد بنات الكليــة مب التقنيه .. كما هي منتشـــره في انحاء الدولـــه ..



يعني نشوف جامعة زايد .. بس يقولون بنات ZU ..

وتقرا كلية التقنيه العليه ..بس يقولون بنات الكليه ..







__________________________________



والحين من نــــــاحية الكـــشخه .. والترتيـــب ..



نبـــدأ في



جامعة زايد :







والله يا بنات جامعة زايد سوري بس بظهر بلاويكم .. ههههههههههه...



كــما هو معرووف عن بنات جامعة زايد انهن مايحطن فل ميكاب مكياج كامل .. ولاتي الوحده الجامعه جنها حاطه راسها في يونيت طحين .. يعني تي شلحه ملحه .. بالنسبة لبنات الكليه هههههههههه شكلي بخرب امبينكم .. بس أنا اقوول الصراحه ..



يعني الكلام اللي أقوله ما أسب بنات جامعة زايد .. لا بالعكـــس هذا شي حلــو انها تسير الجامعه للدراسه .. يعني لوو بتحط .. بتحط جحـــال قلووس .. أي شدو خفيف .. وما بتكـــثر ولها أناقه خاصه تميزها عن بنات الكـــليه .. يعني انا اللي اعرفه انه بنات جامعة زايد سبوراتيات .. اللي أعرفه .. لأنه مـــره واحد قالنا انه أخته تحب تسير بشنطت ظهر وجوتي رياظه .. حتى انه أخوها تمصخر عليها .. وشوو تتوقعون ردت عــليه ..



قالتله .. اذا ماتعرف بنات جامعة زايد .. اسكت .. يعني .. وايدين وايدين .. في الجامعة مايهتموون من الشكل .. يشوفون الجوهر يعني شوو هي من الداخل .. وياخذون أشياء تريحهم .. ولو أنا وحده من بنات الكليه .. مابسوي جي .. لأنه ولا وحده بتخليني في حالي .. )) سوري يابنات الكليه .. بس هالكلام السايد هالايـــام هههههههههههههههههههه .. بس لاتخافوون باخذ حقكم الحــــــين ..



أنا أستغربت من شي واحد .. ..



وهالشي بتعرفوونه .. من هالمثال اللي بقوله



وحده الله يستر عليها من البنات .. قالتلي بسير وبرد .. المهم ســــــــــارت وبعد وايد طوولت لين ماردت ..



يوم ردت .. جان تقوولي لحظه عباتي مغبره .. بخبطها ..

قلتلها اوكي ..



وردت بسرعه .. وقالت باااااك ..



قلتلها .. ماشاء الله عليج .. مكينه ..



قالت .. بسم الله عليه .. ماخبطيت العباة ..



قلتلها لـــــــيش ..



قالتلي . الدوام بيخلــــص عادي من جامعة زايد .. مافيها شي ..



بطلت عيني .. قلتلها خبطيها عن وحده تسبج ..



وحطتلي هالويه اللي امبطل عينه .. وقالتلي .. وليش تسب .. لأنها مغبره ..؟؟؟



المشكله .. هالكلام سمعته من بنتين .. ..



بس أنا عيبني شي فيهن بنات الجامعه .. انهن يهتم بالجوهر قبل لا يهتمن بالمظهـــــر.. وان شاء الله يـــــدوم هالشي فيكم يارب ..









والحين من نــــــاحية الكـــشخه .. والترتيـــب





ل بنات الكليــــــــه :







قومو قوومو عن الدرب يابنات زايد .. بنات الكليه عقووكم عق .. تعال شووف الوحده .. حق الصـــبح مكياج .. والظهر مكياج غير والعصر مكياج .. يعني امش في الكلـــيه اتشووف قوس قـــــــزح .. في الكليه كلها .. بس الواحد الصراحه يتعب من كثر التبصبيــص يابنات الكليه .. يعني مب بس الأولاد يشوفون مكياجكم .. حتى البــــنات ييلسن يطالعن المكـــــياج ... وعادي انتي تكوونين المثل الاعلى للبنات .. اذا كنتي تعرفين تحطــين مكيــاج لا واذا كنتي تمشين بعباة مفـــتوحه ويشوفون شو لابـــسه ... عاده الحين استويت مشهوووره .. ولازم ماتعقين المكياج حتى في رمضــــــــــان عشان ماينصدمــــــــــن شوو تحت هالمكــياج ولا شهرج بتختفـــي .. والله سوري يابنات الكليه .. بس هالكلام .. بس يكون في العلم انا ما أشمل الكل .. الاغـــلبيه .. حتى سمعت انه الوحده لازم تي الكليه وحاطه شي في ويها .. على عكس بنات جامعه زايد اول شهر تعديل .. بس عقب ينسوون عمارهم .. اونه من كثر المذاكره .. بس الله العالم .. 24 ساعه عيونهم على اللابتوب .. ههههههههههههههه تبون تعرفوون على شوو .. بعدين بنقوول مـــافينا على الفضـــــايح ..





نـــــــصيحه حق بنات الكليــــه لاتقلدين استايل حد .. خليلج استايل خاص بج .. مب شفتي وحده وحطيتي شراتها ..ولوو حشوو فيج البنات .. عرفي انهم بيقلدونج أخــــــــــر شي ..

 

 

[بنت_الامارات]

لوووووووووووووووول
مشكووره الغاليه على الموضوع

[بنت السويدي]

يسلموووو عالمروووووووووووووووووووووووور

[البطل أبيــــها]

لؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤل

اموت بنات جامعه تفنيه

ويسلمؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤؤ السويدي على المشاركه جميله

[Nathyaa]

يسلموووووووووووووو حياتي

[بنت السويدي]

loooooooooooooool

تسملوووووووووون عالمروووور البطل + نثيوووووووووه

[بنت الامارات]

ههههههههه هههههههه
مشكوره عالموضوع

[بنت السويدي]

يسلمووو عالمرووووووووور بنت الامارات