[FRAME="5 70"]السلام عليكم شلونكم شخباركم اليوم يايبه لكم صينية الشورما بالتوست انشالله تعيبكم
والحين اترككم مع المقادير
- دجاجه مسلوقة كامله منزوعه الجلد و العظم و منسله الى خيوط رفيعه ( و ممكن نسويها باللحم ايضا مافي مانع)
- 12 شريحه توست ابيض
- فلفل بارد اخضر \ اصفر \ برتقالي \ احمر .... حتى لو عندج بنفسجي هاتيه اضحك معاكم
- فطر مقطع شرائح
- جزرتين مقطعتين الى شرائح طولية
- بصلة متوسطه مفرومه
- زيت نباتي
مكعب ماجي خضار
مقادير الكريمه :
- كوب كريمه سائلة ( نفس الكريمه لتزيين الكيك و الحلويات لكن قبل الخفق ... )
- نصف كوب قشطه ( قيمر )
- نصف كوب جبنه قابله للدهن ..
الطريقة يا حلوين ......... عفوا .. حلوات فقط و الي مو حلوه ... هم تاخذ الطريقة ماعندنا اغلى منها
1- ناخذ 6 شرائح توست و نزيل الاطراف منها و نفرشها في قاع البايركس ( طبعا عدد شرائح التوست يتغير حسب حجم البايركس و عدد الافراد ) . ( لا ترقي التوووووست ... لا لا لا لرق التوست .. خليه نفس ما هو)
2- نحط الزيت في قدر .. و نضيف البصل و الفلفل و الجزر و مكعب الماجي معا حتى تذبل ثم نضيف الدجاج و نقلبه لمده دقيقتين تقريبا
3- نصبه في البايركس فوق التوست ...
4- نزيل اطراف باقي التوست و نرصه فوق الدجاج
5- نخلط جميع مقادير الكريمه جيدا و نصبها فوق الصينيه و تدخل الى الفرن حتى يتحمر الوجه
و بس ماراح تاخذ ربع ساعه .... و بالهناء و الشفاء[/FRAME]