مثل الجبل
عالي
ولحدن يوطيك
والكل
تحتك
ما وصل حد سورك
انت الغلا دايم على البال طاريك
وانت الهوى وأحلى هوى في حضورك
حتى القمر لا غاب شفته يوصيك
"تقعد مكانه"
ويجهر الناس نورك
§*°*^*°¤§ لــــــــولـــــــــو §*°*^*°¤§
أحن لك
والشعور يخونه التعبير
لين آخر الليل أقلب رسايلك
مو مثل أول أحبك!
بس
"أحبك غير"
تدري شكثر؟!
أكثر من الشوق لعناقك
من قال لحظة غيابك مالها تأثير؟!
أحس روحي تبي تطلع من "لحظة غيابك"
§*°*^*°¤§ لــــــــولـــــــــو §*°*^*°¤§
لـــــــــك
وحشة في داخلي مالها حد
في غيبتك كل المشاعر تنادي
كـــــــل
الوجوه اللي عني تصد
أقول روحوا لا تردون عادي
الا انـــــــت
لك أشتاق شوق من جد
أحس لك وحشة تقطع فؤادي
§*°*^*°¤§ لــــــــولـــــــــو §*°*^*°¤§
من عادتي ما دس الهوى دس
ألعب على المكشوف وأكشف سواده
من مد لي يمناه
مديت له خمس..
ومن صد عني
عفت حتى بلاده..
لأني عزيز وعزتي تحكم النفس
والنفس ما ترضى بهون المكاده
§*°*^*°¤§ لــــــــولـــــــــو §*°*^*°¤§
أكتب غلاك بصفحة الطيب والجود
على الوفا يا صاحبي ما نسيتك
وانا الذي في محبتك حيل محسود
لو تطلب عيوني وروحي عطيتك
عظيم الموده بيننا حيل موجود
وأنا بعد بكل الموده شريتك
§*°*^*°¤§ لــــــــولـــــــــو §*°*^*°¤§
أمانتــك..
"قلبي" تحطه بيمينك
تكفــى..
عطه من "الغلا" فوق حده
أرخى عليه من الوصل لا عدمناك
أبيه يشبع منك
"حاذر" تصده
لا.. لاتحاول تبتعد عنه بجفاك
أمانتــك..
"قلبي" عن الكل بده
§*°*^*°¤§ لــــــــولـــــــــو §*°*^*°¤§
ان كنت تسأل من على الروح أغليت؟
أغليت لي اثنين في وسط عيني
أبوي وأمي في غلاهم تماديت
لي حق أفتخر في غلا والديني
والثالث "انت" عقبهم بالغلا جيت
ياللي أبيك وعارف انك تبيني
§*°*^*°¤§ لــــــــولـــــــــو §*°*^*°¤§
جتني على طاريك عذبات الأبيات
ذكراك ساقت لي جميع القوافي
لك قلب له مع الطيب وقفات
وبين الضلوع الحانية قلب صافي
لامن ذكرتك والليالي القديمات
فزيت من نومي لو كنت غافي
§*°*^*°¤§ لــــــــولـــــــــو §*°*^*°¤§
لي ذاكرة ما غبت عنها
"دقيقة"
أشغلتها بالحيل في كل
"الأفكار"
ولي قلب لو ينسى
"البشر" و"الخليقة"
الا انت ما ينساك
لو صار ما صار!
§*°*^*°¤§ لــــــــولـــــــــو §*°*^*°¤§
لبيـــــــه
ياللي ترسل على الشوق مشتاق
هيضت قلبي يا بعد كل حالي
وان كنت مشتاق فأنا لك ألف مشتاق
وأنا على شوفك أعد الليالي
يالله ياللي من ترجاه ما خاب
انك تحفظه من صدوف الليالي
§*°*^*°¤§ لــــــــولـــــــــو §*°*^*°¤§
توه تعالت ضحكتي من شفاتي
تو الحزن عن خاطري انطوى طي
يا دنيتي تو ارتوت بي ضماتي
تو العروق الظامية تشرب المي
يا منيتي
يا فرحتي
يا حياتي
توني دريت اني بدونك ولا شي
§*°*^*°¤§ لــــــــولـــــــــو §*°*^*°¤§
أبيع ما يغلى على الكون وأشريــك
وأفرح اذ جتني علومك بشاير
وأزعل جميع الناس لأجلك وأراضيك
وأصبر ولو دارت علي الدواير
وآخذ من أيامي لك أيام وأعطيك
وان راح عمري فلا هو خساير
§*°*^*°¤§ لــــــــولـــــــــو §*°*^*°¤§
ما هو بكيفك تاخذ القلب وتروح
خليتني بين المخاليق ضايق
في غيبتك كن اللي غايب الروح
وصرت انا والهم بعدك رفايق
يا حبيبي ترى صمتي أبلغ من البوح
وعن وصف شوقي يعجزن الخلايق
§*°*^*°¤§ لــــــــولـــــــــو §*°*^*°¤§
يا حلو الأيام لو ترجع على كيفي
ما كان قلبي اشتكى فرقا مواليفه
كنت قريب ولا تحتاج تكليفي
واليوم رحت ودمعي صعب توقيفه
من عقب الأحباب مكسورة مجاديفي
غرقان والموج يلعب على كيفه!