السلام عليكم
اولا احب ان اشكر اختي نثيه على هل موضوع
ثانيا احب ارد على العضو لاجئ سياسي
ما ادري اخوي مع احترامي لك من وين يايب المعلومات
اولا ما حصل بالحرم المكي تم التعامل معاه من قبل القوات السعوديه نصرهم الله على اعداء الاسلام
ثانيا اخوي اول من دش الكويت في حرب تحرير الكويت اهو الجيش الكويتي وللعم ما كان عدده مثل ما تقول الفين الفين هذي على ما اعتقد نص عدد راجل المرور في دولة الكويت
ثالثا القوات المصريه على كلام اخوي لاجئ كانت قوات ضاربه
احنه ما ننكر دور القوات المصريه لكن للاسف الدبابات والمدرعات الي دزوه لنه
كان فيه صرفيه يبيلها تجفيت
رابعا ان بن لادن نصح السعوديه والكويت بانهم يستعينون بقوات عربيه
لو كنه مشينه وره نصيحته لكنه و ما زلنه المحافظه رقم 19
خامسا ان بن لادن يفعل الخير للاسلام فانا اقولك اخوي لاجئ
ادرس اداب الجهاد من نعمة الله علينه انه وضع للجهاد اداب
مو تفجير الابرياء بالطائرات وترويع المساكين
وبعدين بن لادن يقول نحنو تلاميذ عبدالله بن عزام
عبدالله بن عزام بريء من افعالهم نعم اهو يحرض
الشباب على العمليات الانتحاريه ويزوج ابنه لبنت الظواهري
ليش ما ارسل ابنه في اي عمليه قتاليه او انتحاريه
انا اعرف ردك
لاني اعرف من وين تاخذ معلوماتك
اكيد من عبد العاطي دولار
ولحد يزعل من كلامي
لاكن ما يحزن الواحد ان بعض الناس يقولون لولا امريكا ما رجعت الكويت
احب اقولهم ان لولا الله سبحانه ما رجعت الكويت
ورجاء خاص لاخوي لاجئ سياسي كلامك عن اخوانه بالسعوديه غير مقبول
الي تعامل بالحرم المكي اهم القوات المسلحه السعوديه وليسه اليهود
ورجل الامن السعودي والشعب السعودي معروفين بشجاعتهم
رجل الامن السعودي ينظمون السير والقوات اليهوديه تدافع عن الحرم المكي
بهذا الكلام انا عرفة ان معلوماتك من عبدالعاطي دولار
وبعدين اخوي لاجى انا اول مره اسمع ان في جيش مجاز
يعني جيش يوم الخميس ما يداوم هذا وينه الجيش هذا
خل اروح اداوم معاهم وبعدين كلامك لو الف جندي ما ادري الفين
كان وقفو الجيش العراقي الزاحف للعلم ولمعلوماتك ومعلومات
الي يبلقونك ان هناك مواجهات حصلت بين القوات الغازيه
والقوات الكويتيه واطلق عليها معركة الجسور وياريت
تسال مصادرك اذا اسمعو عن هل معركه الي دارة
وللعم حتى لو تقول حق مصادرك هل معركه ما راح يعرفونها
وبعدين شنو عدد المقاومه 600 الي عندك مو مصادر لجنة احصاء
حبيبي لو كنت انت مار بهل ظروف كنت ثمنت كلامك انت اخوي تتكلم
عن شعب كامل ابهر العالم كله بصموده ورجاء خاص راجع مصادرك
واسالهم لمه زار وزير الدفاع الامريكي وسالوه عن القوات الي في خط النار شنو جاوبهم طبعا قوات درع الجزيره واسال مصدرك عن
جوابه عن القوات الي ابهرته راح يقولك القوات الكويتيه والقوات السعوديه وقال
يانهم لا يملكون قلوب او انهم شجعان انا اخوي ما اتباه بشي
بس اسلوبك بالكلام يجرح الواحد انا بعرف هل مصدر الي كان بالمقاومه شنو كانت وظيفته اكيد القائد الاعلى للمقاومه الكويتيه
وللعلم ناس وايد ما تسجلت اساميهم ضمن المقاومه لانه ما يحتاج احد يقوله انه مقاومه انت الله يهداك مصادرك تاكد منها لاني اقولها لك بصراحه مصادرك تاخذ المعلومات من عبد العاطي دولار جيش دوله عدده الفين ومقاومه عدده 600 والله الشعب جم عدده اكيد عشرين الف اخوي تكلم بكلام مقنع واذا مصدرك اقنعك في مجال انك تغير كلامك انا اول مره اسمع كلامك هذا ما ادري هل مصدر كويتي ولا شي ثاني لاني كلي ثقه بانه ولا كويتي يقول هل كلام اظاهر ان ماخذ كلامك من انا كويتي ابا عن جد اريد جنسيه