اقولك شي
انا عند اهلي وفي يتي انسانه قويه بنظرهم
بس بيني وبين نفسي احس اني انسانه جدا ضعيفه
لابعد الحدود
تخيل لدرجة اذا شفت فلم مؤثر اقعد ابجي حيييييييل
بس محد شاف دموعي الي اللان
مااحب تنزل دمعتي امام احد بالمره
واذا نزلت او فرت مني تلفاني بسرعه اقوم من مكاني اروح داري واقفل الباب
علشان محد يشوفني
تدري متي لحظة ضعفي ؟؟
بيني وبين نفسي
اوضح لك اكثر
اذا حسيت اني ابي انهار او ابجي او او او
ادخل غرفتي واقفل الباب واحط المسجل واقعد ابجي واتكلم واقول كل اللي بقلبي
طبعا اسجل كلامي كله علي شريط
اذا خلصت وارتحت
اروح الحمام عزك الله اخذ شاور واحط مكياج واطلع
كأن لم يحدث شي
قبل اسبوعين تقريبا
توفت خالتي
وصلني الخبر عن طريق التلفون
كان ردي لامي الله يرحمها وعظم الله اجرج ولاتتضايقين الموت كاس كلنا لازم نشرب منه واحتسبي الاجر من هالكلام اللي يريحها
ولما سكرت التلفون
رحت داري وانهرت بجي
طبعي صعب حيل