اذا هذا الشى طلع من الشباب فهذا امر متوقع ... شاب يلحق بنت.. طبيعة بالحياة
لكن المصيبة الحين البنت اهى اللى تلحق الشباب ابى وين عزة نفسها وين انوثتها وين حياءها كلة بالزبالة
لانها رخصت نفسها مادرى شلون تبى الشباب يحترمونها.. واهى ماحترمت ولا عزت نفسها
انا ابى اقول شى وانا ماودى اوصل بالطريقة هذى بالحوار بس اهى حقيقة وواقع يحصل كل يوم
والله ثم والله لو اسولف المواقف اللى تحصلى من البنات مااخلص الموضوع
وحدة تعرضلى جسمها من ورا العباية بمكان عام
وحدة توقفنى بالشارع وتقول ممكن تعزمنى
وحدة تطاردنى لبيتنا صارلها اربعة شهور
وحدة
وحدة
بس ماابى اكمل
انا مادرى الدنيا تغيرت ام الناس تغيروا يبى البنت صارت رجال والرجال صار بنت
بسنا عاد مسخرة ماتعلمينى شلون نحترم هذا الجنس
صارلى موقف قبل شهر فى دبى ماشى بسلامة الله بطريقى ماحسيت والا شرطى ماسكنى من ايدى
وقالى ممكن تجى معانا مركز الشرطة قلتله ليش علبالى مشبهين على
رد على وقال هذى الاخت تقول انك تتحرش فيها ومضايقها .. سألتها وحلفتها وحلفت جدام الشرطى انى اول مرة اشوفها وانى انا جاى اليوم بشغل وراد بنفس اليوم وتذاكرى معاى وقلتله انا مو جاى ادور بنات او اخربط.. فحس الشرطى ان كلامى صحيح وتركنى وراح
بعدها ناديت البنت لانى حسيت انها جرحت كرامتى قلتلها ليش سويتى جذى وانتى تعرفين انا متحرشت ولاشفتج
قالت اقولك بصراحة انا كنت حاطة عينى عليك وانت مو بالك انا فانت جرحت كرامتى. فحبيت اعاقبك
الله واكبر ياناااس شنو هالعقلية شنو هالمنطق ماقولج البانزين احسلكم
يامعشر الهبل
ملاحظة: طبعا انتم تكرمون عن هؤلاء الحثالة وكل بناتنا وخواتنا
بس من باب الامثلة ورفع ضغط الدم