السلام عليكم ورحمة الله وبركاته
اخوي في شي ممكن انت ما تلاحظه يمكن هذا الإنسان
يحبك ويقدرك ويبادلك نفس الإحساس لكن يمكن اهو يبتعد عنك لأنه
خايف إذا اقترب منك وحبك وتعلق فيك يخاف الأيام تبعدكم
وبعدين في ناس كثير اهم طبعهم كذا ما يحبون يظهرون مشاعرهم الحقيقية لحد حتى لو كان أقرب الناس لهم فإنت لا تحكم على هذا الإنسان ولا تتركه لكن ابتعد عنه شوي اعطيه فرصة انه يفكر
ولا تتسرع في حكمك عليه لأنك يمكن تظلمه وأنا اقولك موقف صارلي مع صديقتي يمكن اهو عادي لكنه بالنسبة لي مب عادي
انا مع رفيجتي صار لنا فترة ندق على بعض بشكل مستمر مب كل يوم
لكن في الأسبوع مرة او مرتين وفجاة صرت أدق عليها وما ترد
لا على الثابت ولا الموبايل وصار الشيطان يودي وييب
وقلت اكيد ما تبي تكلمني او او...........
يعني قنمت اهوجس في الآخر تدري شنو طلع
طلعت اهي مريضة وتنومت بالمستشفى وكانت جالسة في بيت عيالها يعني ماعندها تلفون وعشان كذا ماترد
شفت انت انا شلون فكرت وظلمتها انت يمكن نفس الشي حتى لو
اختلفت القصة تمهل لا تستعجل طول بالك انطر
وإذا كلش قفلت اسئله ليه اهو يبتعد عنك حاول تفهمه أكثر
ولا تخلي الشيطان يبعدك عنه وان شاء اكون ساعدتك بالقليل وأفدتك
تحيــاتي لك
اللســ أم ــانين