ببساطه شوف ابو الشباب مشاري وشلون تصرف بها الموقف:
كان مشاري مسرع على شارع الخليج .. وصاده رادار السرعه..
وقفه الشرطي على اليمين..ودار بينهم هذا الحديث...
- الشرطي: شعندك طاير؟؟ عطني الرخصه لو سمحت؟؟
- مشاري : آسف والله رخصتي منتهيه من زمان وما جددتها؟!!
- الشرطي: طيب عطني دفتر السياره؟؟
- مشاري: هذي مو سيارتي؟؟ والله سارقها؟؟
- الشرطي: تقول سارقها؟؟
- مشاري: ايه نعم!! سارقها..بس لحظه تذكرت!! كأني شايف دفتر
السياره لما حطيت المسدس بالدرج؟؟
- الشرطي: معك مسدس بعد؟؟
- مشاري: ايه مسدس.. حطيته بالدرج لما قتلت صاحب السياره
وحطيته بالدبه!!!
- الشرطي: وفي جثه معاك بالسياره بعد؟؟
- مشاري: ايه نعم كنت بحذفها بالبحر؟؟
( المسكين الشرطي سمع هالكلام وعلى طول صوب المسدس على
مشاري وقال: ولا حركه !! وكلّم المسئول وبلغه عن مشاري
وسوالفه... وبسرعه اجتمعت سيارات الشرطه وحاصروه ..
قرب الضابط من مشاري وقال : خلني اتأكد ؟؟
- الضابط: ممكن اشوف الرخصه؟؟
- مشاري: اكيد تفضل وكانت الرخصه سليمه.
- الضابط: من سيارته اللي انت فيها؟؟
- مشاري: والله سيارتي وهذا دفتر السياره.
- الضابط: ممكن تفتح درج السياره بكل هدوء حتى اشوف المسدس؟؟
- مشاري: على هالخشم.. بس ترى مافي مسدس بالدرج حتى
شوف بنفسك!!..لكن انا ليما اللحين ماأدري وشنو السالفه وليش موقفيني؟؟
- الضابط: شي غريب!! الشرطي اللي وقفك قال :
انك ماعندك رخصه ,, والسياره مسروقه,, ومعك مسدس وقتلت فيه
صاحب السياره؟؟
- مشاري: ول ول ول عليه!! الله يغربل ابليسه هالكذاب!! موناقص
الا يقول بعد كنت مسرع!!
هههههههههههههههههههههههههههههههههههههه
تحياتي,,