[منصور الرويلي]

[frame="1 80"]



أطـفـال المـشاعـر ؟

.

يافاتنـه لـو جبتـي العشـق كلـه = عــزي سـنـابـل والقـصـايـد خــزامــا
عـيني علـى بُعـد النظـر مستقلـه = لو أتبعـك خالفـت شـرع النشامـا
وأنـا دليلـي غيـر كـل الأدلـــه = أدل وأن ظليـت دربـي تعامــا
أن قلت أحبك وأعرف الحـب علــه = وصدري ضلوعه من زماني توامـا
عز الغـرام بداخـل الصـدر ذلــه = لاصارت أطفـال المشاعـر يتامــا
كم قلب حي من الغـلا مـات كلــه = وياما قتيل مـن الغـلا حـي يامـا
والدمع لايمكن على الحب أهلــه = مالي علـى دمـع المحبيـن لامـا
للحب ملـه .. للغـدر الـف ملــه = وأنا ملول مـن الهـوى والغرامـا
أنـا بدوي والحـب كـاده وفـلــه = مابيه وأعرف كيف أشـم الخزامـا
كأنك عـقــّدت الوضع ربي يحلــه = وكأنك دفـقـت الما بحوري تزاما
آموت وآقـف ماأعيـش المذلــه = وأغيب حاضر مثـل كـل النشامـا[/frame]