[ROLZ]

1-بحر المسحوب :


بحر شعبي وهو أشهرها وأكثرها ذيوعاً ..وتفعيلاتة هي

(مستفعلن مستفعلن فاعلاتن)..مثال:


انسى ترى النسيان نعمـــة كبيرة ....... ودليل هذا في حضورك نسيتك


انسى ويمكن ما حصل فيه خيرة ....... خلني لأقـول اقدار ما قول ليتك

-

-


-
أمس الضـــحي عديــت في رأس مشـــراف .......... رجم على رووس الشواهيق نافـــــــي
رجم بنوه أهـل الهـــــــــــوى يوم الأدياف .......... أهل النقا وأهل القلوب النضـــــــــافي
عديت به القلب كد شــــاف ما عـــــــــــاف ......... من شن لجا بين الضلوع الرهـــــــافي


-


-



شبّت سعايرها على العـز والطيـب
....................... نارٍ علـى تيـّاك بـرد وسلامـا

في جالها الجزلات عكش المهاديـب
..................... فاحـت معانيهـا بريـح الخزامـا

لا ياوجودي وجد ذيبٍ علـى ذيـب
........................ ايجر صوتـه فـوق بيـت اليتامـا

يوم انثنى غصن القهـر بالعذاريـب
..................... وانفطرت الحدبـى ومـات النشامـا

وآنا من اللـي يفعلـون المواجيـب
...................... اللي معـا حـرب المنيّـه غرامـا

عكروشتي لي عزةٍ تِخرج الشيب
..................... من جورها تنزف جروحي القدامـا

والكبـد يلهدهـا مليـل اللواهيـب
...................... قصرٍ على حدب الضلوع ايتدامـا

والراس لو تدميه عوج المشاعيـب
.................. ابّاشـة الصنـدوق قـام ايتحـامـا

ياما سرت صوبك جروحٍ معاطيب
...................... وياما نطق بسمـك خفوقـي ويامـا

فلا يصيب العين شكٍ ولا ريـب
..................... ماني معا بنـت الهلامـه بــ لامـا