[align=right][align=center]تسلمين Nathyaa على الموضوع الحساس والمهم فى حياتنا واللى يعتبر من اكبر المشاكل اللى قاعد نمر فيها، وان ماآلام يوم وصفتك ملكة المنتدى ولا يهونون حبايبى وهذا تشجيع للباقى على مواضيع مهمة فى حياتنا نبى نتعايش مع مشاكلنا نبى حلول ياجماعة واللة في مصايب كبيرة اساسها امور صغيرة لو ناخذها بالاعتبار كان ماشفنا البلاوي هذى.
خلونا نحلل شوية وضعية البنت عندنا فى مجتمعنا وبكل صراحة وانا لاابرر الخطا نهائيا.
البنت بطبيعتها مخلوق رقيق عاطفى حساس حنون الله له حكمة فى خلقها على هذا الاساس بعكس الرجل لان لها وظايف في الحياة تتطلب منها هذى العاطفة والحنان منها عاطفة الامومة.
اذا التعامل معها لابد يكون بالحب والاحساس بالامان والثقة ومراعاة لشعورها وعاطفتها.
لكن واااااااه من لكن غالبية البنات يعيشون فى عزلة عن بيئتهم تلقونها عايشة بغرفتها بوحدها الام لاهية بالبيت او غير مثقفة والاب بالدوانية ومشاغل مع الناس والاخ يانايم يادوام او دوانية عزلة تامة.
منو فيهم يحس فيها ؟
منو اللى يكون قريب منها يحسسها بالامان ؟
منو فيهم يعطيها الحب والعاطفة ؟
منو فيهم يشغل وقتها؟
منو اللى يطلعها من جو العزلة اللى عايشة فيه؟
منو فيهم تفتحله قلبها وتطلع اللى داخلة وترتاح؟
منو منو منو منو منو ..................!
الان شنو تبى البنت تبى اى شخص يعطيها اللى فاقدته تبى حب... عاطفة... تبى احساس بكيانها وانثويتها ..... تبى احد تطلع من عزلتها الى العالم الى الناس تبي تكتشف، تعيش، تحيا والغلط مننا احنا اللى حرمناها كل شى.
ابي اسأل اخوانى الشباب لو كل واحد منا قرب جنب اخته وقعد وياها وسولف معاها ويكلمها بالموبايل يسأل ويضحك معاها ويصارحها ويعطيها الثقة مو بس هذا بعد يخصص كل فترة يطلعون المطعم يروحون السينما يعيشها جو الحب والامان والثقة وبعد هذا كله تحتاج احد غريب تدور عنده السعادة الحب الامان الثقة تدور على احد تفتحله قلبها وااالله ما اعتقد.
ابى اسال الام ليش ما تكون قريبة لبنتها ليش كل شى عيب عندنا ليش البنت اذا تزوجت( طبعا الغالبية) في بيت الزوجية كأنها توها مولودة ماتعرف شى .
البنت اذا سألت مصيبة هذا مايصير نتكلم فيه عيب. يااختى خليج قريبة منها انتى امها انتى صديقتها خليها تفتح قلبها لك ليش تنطرين الصدمة وتتندمين وتقولين يااااااااااليتها قالتلى ياااااااااليتنى كنت اعرف.
واما قصة علاقة الزوج اللحين مع زوجته هذى قصة ثانية الزواج عندنا وعلاقة الحب والعاطفة بس شهرين نتكلم عنها بعدين .
احبكــــــــــــــــــــــــــــــم واموت بكويتنا[/align][/align]