لا حول ولا قوه الا بالله . .
انا بـرآي انه المشكله تنتـج من عـده شغلات اهمها :-
1- وقت الفراااغ : يعني البنت الي تكون اغلب وقتها بالبيت راح يكون عندها وقت فراغ كبير وما يكون عندها شي تسويه ولا عندها احد يجابلها وتقعد وتسولف معاه
يمكن لان الاهل مشغولين عنها وما فيها عندها احد تقضي وقتها معاه يعني مثل خوات يقارب سنهم لسنها او بنات خال او عم والى آخره . .
2- الاهـل : ممكـن يكون السبب من ضغوطات الاهل وكلنا ندري ان الضغط يولد الانفجار
يعني لو الاهل ما عطو البنت الثقـه ف شي اكيـد انها تدور شخص يخليها تثق بنفسها
او حتى انها تفكر ان اهلها باللي يسوونا معاه انهم يكرهونها وما يبون لها السعاده و ان اللي يسوونه بس علشان سمعتهم اهم ومو علشان مصلحتها
واهم بضغطهم عليها راح يخلونها تدور اي وسيله بس علشان تخلص نفسها من هالضغوطات وراح تفكر دايم بانها غير عن البنات وانها اتعس وحده بسبب اهلها
واكيد راح تسوي شغلات وايد من ورا اهلها ومن غير محد يدري عنها
ووالله هالحالات منتشره اهني بالكويت واعرف وايد بنات جذي
3- الاصحاب : شي طبيعي انه راح يكون للبنت رفيجات وصديقات يقولون لها عن كل شي . .
واهي لو شافت صديقاتها يكلمون شباب وكل وحده مع حبيبها اكيد ودها تكون مثلهم
واهم على اساس انهم رفيجاتها راح يضبطون لها الامور ويعرفونها على واحد واثنين ويمكن اكثر
وطبعا هالشي انتشر وايد وقليل ما اتلاقي بنات ما لهم علاقات ومن وحده لوحده ينتشر هالشي اكثر . .
*************************
وانا انصح كل بنت انها تبتعد عن هالشي لانه اكيد يضرها ولو بغلطه بسيطه منها
واتييها البلاوي والمصايب واهي نايمه ولا تدري عن شي . .
وتحافظ على ثقه اهلها فيها لان اذا انعدمت ثقه الاهل انعدمت حياتها كلها
واهم شي انه البنت تكون واثقه بنفسها وما تقدم على اي خطوه من غير ما تحسبها عدل واتعرف مضار هالشي قبل ما تقدم عليـه . .
وآسفــه ع الاطــالــه بس الموضوع عجبني بصــراحــه . .
ولــ *H* ــــه