[align=justify]اول شى باحلى منتدى امسى عل الكل
وخاصة vib اللى بمواضيعه يسعد الكل
وماانسى Nathyaa الملكة و حبيبة الكل
وسامحونى ابى اختلف بهالموضوع مع الكل
حبايب قلبى الواجب علينا اذا شفنا ظاهرة ماتأخذنا العزة بالسلبية وننظر للمشكلة من جانب واحد لازم علينا نشوفها ونحللها من جميع الجوانب واذا تعودنا على جذى راح نلقى اليوم اللى نقدر نحل كل مشاكلنا فيه ومحد يخلى من المشاكل.
ندخل بالموضوع : ابى اسأل سؤال اذا شفنا واحد مجنون وسوى اى شى غلط تلومونه؟
شى اكيد مانلومه لان مجنون بمعنى اصح مريــــــــــض ، هذى الفئة ياحبايبى مريضة والمرض ناتج اما من تكوينهم الخلقى مثل ان الهرمونات الانثوية تكون طاغية على الهرمونات الرجولة ( وهذا اثبات من الدكاترة المتخصصين ) او من طبيعة الحياة اللى عايشينها من بيئتهم مثلا واحد متربى من صغره مع خواته او اى بنات من حواليه طول عمره يتربى على سلوكياتهم واطباعهم حتى يتأثر فيهم بشكل تام.
وفى الحالتين فى لهم علاج اما عضوى او نفسى فالمفروض علينا مانلعنهم او نسبهم واللى ماراح يجيب فايدة غير تحمل ذنبهم ندعيلهم بالشفا او بالهداية.
اما الاعتراض على بث البرنامج وان نصكر القناة فأنا اختلف مع الكل ليش ؟ لان اى مشكلة اوضاهرة تخرج على المجتمع لابد من توعية من مخاطرها سواء للحكومة او الاسر او الافراد حتى نحد من مخاطرها وانا اعرف عوايل بعض عيالهم بادين مع النعومة يعنى بأول الطريق وتاركينهم بدون حسيب ولا رقيب لان مو فاهمين شنو نهاية هذا الطريق ومثل ماشفتو بالبرنامج انحلال اخلاقى ( لواط ) وانحلال دينى( مثل اللى قاله ماأبى الجنة ) لان المرض تفشى فيهم واعتقد التوعية تكون بالجرأة بطرح هذى المواضيع قبل بس يسمعون ويمكن الواحد فينا مو متأكد والدليل انتم مستغربين حيل بس لما شفنا تأثرنا وصرنا على الاقل نطرح الموضوع ونبحث ورا الحلول مثل ماقالت الاخت نثية شنو الحل فتخيلوا تأثير هذا البرنامج على حكومتنا وعلى الاسر وعلينا الان فتح الملف من جديد بعد ماكان مصكر والان الكل يسعى ورا الاخذ بالحيطة والحذر من هذى المشكلة الفتاكة.
وآخيرا انا اسف على الاطالة وانا عندى بعض التجارب مع هذى الفئة ماذكرتها عشان ماتملونى
أحبكم جميعا لان تصفحت مواضيعكم قبل لااكون معاكم[/align]