السلام عليكم يا شباب ويا صبايا ودتني ريولي حق مكان وصرح جميل في ديرتنا الحبيبه الكويت ... ودتني ريولي حق مكان الكل يتمنى انه يدندرن منه .. الا وهو جامعه الشويخ ... طبعا غالبيه الجامعيين تخرجوا او درسوا في هالمكان وشافوه وعارفينه عدل مدل واكيد لهم ذكريات حلوه وجميله ودندرنيه واكيد لهم ذكريات مع دكتور دعله والا عمادة قبول اتبط جبدهم ... المهم ماراح نتكلم لاعن طلبه ولاطالبات راح نتكلم عن المكان نفسه ... جامعة الشويخ بس قبل لانتكلم عن المكان بقول شغله حق الشباب اللي عندهم سيارات من نوع هامر والا يوكن تكفى وخروا سياراتكم عن الشارع مو تقطونها بوسط الشارع جنه مو لكم وتمشون ترى والله تضايقون العالم مساكين يتوهقون خصوصا البنات هههههه المهم نروح للجامعه أحد شوارع الجامعه ويبدوا خاويا وخاليا من الماره الا انا ساعة بيج بن الكويت هذي الساعه تلاقونها بوسط الجامعه .. الصراحه خوش مناظر تقدر تطالعها وتشوفها داخل الجامعه بس والله مساكين الطلبه يكسرون الخاطر .. حتى الموظفين ... وراح تعرفون ليش الحين اماكن خاليه وواسعه بوسط الجامعه وبيوت قديمه جدا آيله للسقوط ... نداء لوزارة الاشغال تكفى رمموا البيوت والا والله باجر انشوفهم طايحين على روس الاوادم احد شوارع الجامعه من الداخل ... لاحظوا ضيج الشارع شلون وربعنا اهل الهامر واليوكن يوقفون بهالشوارع الضيجه والله حرام لووووووول ... لو انا منكم بعد اداوم على شاحنه عشان يتوهقون عدل مبنى عماده القبول والتسجيل ... مبنى قدييييييييم جدا تقول مستوصف في حي ترللي في ... دندرن لاوبعد حاطين مكينة بيبسي يامال الفقر ... خو روحوا اشتروا اربع سحاحير بيبسي وخلوهم حق الاوادم عاد الحين انيي حق المأساة الكبرى ... اهيه الجامعه تطل على البحر من ورى اوكي ؟؟ بس شنو المشكله المكان هناك ماودك توقف فيه... ريحة الشسمه وسفن غرقانه من ايام الغزو العراقي ليما الحين ماانشالوا بس ابشركم ... قاعدين يشيلون السفن الغرقانه .. عاد والله المنظر حلو هناك لما توقف بس فيك خير وقف تنصرع من الريحه والله الله يعين الطلبه والعاملين في هالمكان سفينه امدخنه من الغزو قاعدين يحاولون يشيلونها خلاص قررنا انا وصاحبتي نشتري هالسفن ونبيعهم خرده دندرن تقبـــــــــــــــلوا تحيـــــــــــــــاتي
Nathyaa