ولا إنتي ولا غيرك
مراح ابدلك بغيرك
لو غيرك قمر وانت النجوم
مراح اخلي الشك يعميني
ولا الخيانه توطيني
احبك واموت كل يوم بحبك
لجلك ادوس النار حافي
وأسلك دروبك حتى
لو كانت هلاك
ولاإنتي ولاغيرك
أحبك كنت أنا أحبك
وحبك يعني لي موجود
حبك طهرني
ودواني جروح
ولكن عشرتك الحين
أنا من قلبي عايفها
عطيتك كل ماأملك ولافكرت بالمردود
وكل ماتصدميني بجرح أقول أحباب طوفها
تقوليلي الخطا وارد
وأنا أقول الصبر بحدود
تقولين البشر تخطي وأقول البشر عارفها
ولا إنتي ولاغيرك
وإنتي منتي أولهم
ولا إنتي آخر المطلوب
ولا إنتي درس علمني عطايا القلب أطرفها
أنا ربي وهو ربك
وهو الخالق المعطوف
خالقنا يسامح وانتي
ماتسامحين ؟
روحي ياجعل دروبك كلها خير
تملاها الفرح والسعاده
وانا ميت بدنياي
عايش بجسد بلا روح
روحي عندك تسلي بها
بقولتك لي مابيك
ماعدت اثق فيك
وين كلامك
وين سهرك لي
تصدق غيرك وتكذبني
قولي لي !!
وشلون احتري شخص مابغاني
باعني وكذبني
وصدق غيري
وأنا كنت لك القريب والحبيب والصديق
انا الذي حبيتك من بد كل الخلايق
انا الذي شريتك بماي عيني
ورفعتك فوق راسي
وأتعبني راسي وحطيتك بعيوني
وخفت عليك من البرد
ولحفتك برموش عيني
وأقسم قسم ان محد
بقلبي في غلاتج يساويج
وأوهبتلك عمري ثمن
ألا يابنت ماتتوبين ؟؟
ماتحسين؟؟
ماتقدرين ؟؟
ياكثر ماتخطين علي
ياليتني عايش بدون قلب
وبلا احساس
ياليتني مانخلقت بالهالكون
لجل اعيش اللي عشته بدنياي
اموت وقلبي بحسره يوم تخليني
اعيش لحالي ودمعي فوق الأوجان
ولا انتي ولا غيرك
أتنفس الجروح والألم بدال الهواء
خليني يابنت في جحيم وظلام
يمكن مراح نلتقي ألى بالاحلام
خليني عايش بالاوهام
تدرين اني نسيت الدمع
تركت دمعي حتى يريح غيري
نزل منه مايكفي
وجف نبع الدمع من حرارة جوفي
ولا انتي ولا غيرك
جرحتيني ومافي شي يوقف نزيفي
غير اني اغسله بدموع غيري
بكرر اسفي وللمليون
لاني ضيعت وقتك بحلامي
واعتقد اني ماعشت هالايام
بروحي
وانا ماقدرعلى نسيان حبك
راح تكونين بقلبي وعقلي
وحتى ان كانت مجرد اوهام
بس في حياتي حقيقه
أقدر انا افرشلك من أحلامي حرير
ووهمك بالحب وأنا اقدر اقنعك
بس أنا حبيت والله من قلب وضمير
وصدقي احساسي ولا يقدر يخدعاك
فمان الله ياشمعه
بس اعلمي انك سكنتي قلبي
ونورك بقلبي ماينطفي
ألا بسامعك خبر موتي
ولا تنسين
وصيتي بأنهم يكتبون
على قبري متوله