البارحه مابين هم وتفاكير
ساهر مع هموم بقلبي عديده
صارت همومي بين ورد ومصادير
وأجاهد الدنيا بنفسن عنيده
لا شك أعرف ان المحبه مقادير
وأعرف لياليها لروحي زهيده
هذي ليال العمر أقفت محادير
وهذا العمر من عقبها مانريده
اقفى وله بالقلب غايه وتقدير
اله حياتن وسط قلبي مديده
له منزلن بالقلب مالغيره يصير
بيني وبينه من عهودن جديده
من عقبها قلب الصبر جاه تدمير
الصبر ينفذ والمنى ماتفيده
حظي بليلي صور الهم تصوير
همن عسى ربي يهون شديده
يزورني طيف التفاكير وأصير
مثل الذي بالضيق فاقد عضيده
مالي جداء غير البكاء والتعابير
وخطيت له من دمع عيني قصيده
وياليتني مثلك أحب المشاوير
أصل أديارك لو أديارك بعيده
هذه هدية مني لكي ميس ولكي كل التقدير.