ليه يانور القمر ضيك طفى
صارت الدنياء ظلامٍ في ظلام
صار لي يومين جفني ماغفى
من غيابك ناظري عيا ينام
شف عيوني من دموعي تذرفى
طبها شوفتك يابدر التمام
لايزود الجرح جاني ماكفى
الصدود ارث على قلبي هيام
ياعنود الريم وش هذا الجفى
ولعت فيني لواهيب الغرام
الشعر لليلٍ على ردفه ضفى
فوق جسمٍ ماخلق مثله حرام
والعيون ان شفتها قمت ارجفى
فيها سحرٍ يذبح العاشق شمام
عنق ريم ذار جفًل واختفى
يشهد الله شوفته هي المرام
ياعسل بين الشفايا به شفى
اسقني قبل الموادع والسلام