[GRADE="8B0000 FF0000 FF7F50"]الفيلم خفيف دم حلووو من بطولة
ميســـــاء مغـربي & سعـــــود أبو سلطان
ومعهم الثنائي المجنون :
عبدالناصــر درويش & حســـن بلام
ويشاركهم التمثيل :
أحمد الجسمي
منى شداد
محمد الصيرفي <<< دوره بسيط بس خفيف دم
عبدالله أبو عبد <<<< الاماراتي اللي شارك بالوادي
باسم عبدالامير
الفيلم فكرة : ميساء مغربي
سيناريو وحوار : طالب الدوس
اخراج : محمد دحــام الشمـــري
وتم التصوير في الامارات
قصـــة الفيلـــم :
ميساء بنت عنيــده free اهلها معطينها حريتها وزيــاده تكره التفرقة بين المرأه والرجل اخوانها المجانين البلام ودرويش وابوهم احمد الجسمي يشتغل عندهم واحد اسمه تركي وزوجته منى شداد ..
ميساء تحب منى وتعتبرها صديقتها وفي ليلة زواج ميساء من باسم عبدالامير منى ماقدرت تحضر الزواج لانه زوجها مانعها تطلع .. ميساء عرفت هالشي وتقوم المهبوله تطلع من العرس عشان تجيب صديقتها وهي بالطريق تقابل سعود بوسلطان المطرب المشهور وتعجبه لكنه مانتبهت انه هذا هو المطرب "سيف سلطان" وتصير احداث وبنفس الليله تطلب ميساء الطلاق من زوجها ..
سعود ماقدر ينساها وقال لمدير اعماله محمد الصيرفي عنها وبدوا عملية البحث عنها لين مالقوها .. شافها سعود وراح يكلمها وهو يكلمها اجتمعوا عليه المعجبات وميساء خلته وراحت عنه
تقابلوا مره ثانيه في مطعم وهم قاعدين جو المعجبات وهي انقهرت وخلته كالعاده ومشت راح وراها وقال لها انه يبي يتزوجها وتزوجوا .. وبشهر العسل ياكثر ماكنت تزعل منه اذا جوه معجبات لدرجة انها بعد مرور 10 ايام بس قالت له تبي ترجع خلاص ...
ميساء كانت منقهره من هالشي وقررت انها تصير مشهوره عشان تصير انجح منه قالت تبي تسوي فرقه ويوم زوجها عرف بالموضوع قال لاخوانها خلوا بالكم منها وراقبوها .. وكانت احسن طريقه للمراقبه انهم يتنكرون بهيئة بنات ويغنون معها بالفرقه وخلت صديقتها منى تنضم للفرقه ووحده خامسه وسموا فرقتهم Five star
طبعا اصواتهم انواع النشاز والبومهم الاول مانباع منه ولا شريط واحد..
زوجها خلاها تسوي اللي تبيه عشان تعرف بنفسها انها ماراح تنجح بهالمجال وقال لها لو كان صوتك حلو وتعرفين تغنين انا اول واحد بيوقف معك
وهو يسجل البومه الجديد ميساء سرقت منه اغنيته وسجلتها بصوتها وهو سجلها بصوته واكتشف هالشي وهاوشها وقال لها اذا تبين تصيرين انجح مني برسلك لك بكره ورقة نجاحك وقال انه بيطلقها
وش بيصير بعدين بيطلقها والالا ؟؟ وبتعتزل الغناء والا بتستمر في عنادها ؟!! هالشي بتعرفونه اذا شفتوه
اللي يحب يشوفه بالامارات او بالبحرين او انتظروا لين ماينزل ديفيدي
رأيي الشخصـــي في الفيلــم :
الفيلم حلو بوجه عام بس بنظري سعود بوسلطان مايستاهل البطوله لانه مطرب لايصلح للتمثيل اللي يشوفه يحس انه حافظ وجاي يسمع .. غير كذا الفيلم كان شبه دعايه لسعود بوسلطان
محمد الصيرفي انظلم لانو دوره كان جدا بسيط وكان يقدر يبدع اكثر واكثر لو عطوه دور اهم واكبر
المجانين البلام ودرويش هم احلى شي بالفيلم وخصوصا ضحكة درويش الغبيه
الفيلم يعتبر نقطه لصالح السينما الخليجيه وانشالله مع كثرة الافلام الخليجيه الحلوه بنوصل لمستوى الافلام المصريه وبنكون احسن منها
وسلامتـكم [/GRADE]