أولاإً مبروك فوز الملكي " المستحق " ..
رغم النقص . . رغم إصابه فوزي بشير إلي واضح الإعتماد عليه كليا ً في غياب النجوم إلا أن نجوم بني قادس أبوا إلا أن يثبتوا أنهم قادرين على الفوز على أي فريق . . مو بس أم صلال مثل ماقال البعض
النقص العددي واضح ومؤثر . . لكن قادرين ولله الحمد " شباب " الملكي يقدمون أداء طيب
ومبروك عليكم عوده مساعد ندى لمستواه . . خصوصا ً بعد التخوف من تراجع مستواه بعد الإصابه بالموسم إلي طاف . .
وهاردلك غياب فوزي بشير وحمد العنزي بالمباراإة اليايه .!!
مو هذا موضوعنا :)
::
موضوعي بخصوص الحارس / بدر الجمعه !!
يا جماعه وين مستواه إلي كان عليه !!
القولين بغلطه منه !!
وخروجه للكرات توقيتها سيئ !!
لاحظت إنه الكرات العرضيه مايمسكها حتى لو كانت سهله . . يطقها " بوكس " جنه بيفتك منها !!
رايي إنه نشرك بدر العيسى . . مستواه أحسن من بدر الجمعه . . لا يهون الجمعه على العين والرأس لكن مصلحه الفريق فوق كل إعتبار !
هذا رايي . . والرأي لكم
::
ملاحظه :-
إلي بيقول رأيه يقوله بدون تجريح باللاعب . . مهما كان فكانت له بصمه مع
الملكي
::
مرة ثانية مبروك " للصف الثاني " الملكي فوزه الحلو .!!