[ملسونه وعنيده]

[align=center]الله يوفقك يارب على هالموضوع الرائع

ماشاء الله تبارك الرحمن

بصراحه اول منتدى احس فيه ان فيه ناس يكتبون بعقلهم مو بس باصابعهم

يعني هالمنتدى حسيت ان فيه ناس تحب تساعد بعض وتحب تنصح من قلب

انا قريت الموضوع واعجبني الرد على كل سؤال

وبصراحه هالشي شجعني اني اطرح نقطه من بحر عذابي

انا بلمح لك عن حالتي من الخارج وبشكل مبسط

يمكن ماعندي الجرأه الكافيه اني اتكلم معاكم

لان اليوم هو اول يوم لي هنيه بينكم

بس حسيت اني اعرفكم من زمان وكنت ابحث عنكم

وبعد تعب طويل التقيت فيكم

انا مشكلتي هي :

1- الحنان المفرط

2- الصدق

3- الوفاء

4- التسامح لمن جرحني أو هضم حق من حقوقي او بمعني اصح حقوقي كلها

5- أخجل من العتب

6- الطيبه الزايده لكل من حولي من عدو وصديق

7- الكرم بشكل غير طبيعي

8- العصبيه المكتومه

9- دائما أحس اني وحيده حتى مع نفسي ماأحس أن فيه احد يحس فيني

10- الفراغ بكل انواعه

11- التسرع بكل شي

12- ماأحب أحد يستغبيني أو يستغفلني يمكن امشي الموضوع بمزاجي وانا عارفه انه مو صحيح لكن امشيه بمزاجي لكن لما احس ان الشخص يستغبيني عيني عينك لا هنيه اوقف واسحب سيفون قوي

13- دائما أفكر باللي حولي لكن نسيت نفسي وللاسف ماكو احد يفكر فيني

14- صداع مزمن متعبني من غير سبب ومايهديه لابندول ولا غيره

15- فقدت الثقه بكل من حولي وأحيانا أحس اني بديت افقد الثقه بنفسي

16- دائما أحس أن الدمعه قريبه حيل مني يعني حتى وأنا بعز وناستي أحس اني ابي ابجي يمكن لانها رافقتني بكل حياتي وتبي تاخذ حقها مني وانا سعيده (( اسمح لي شكلي بديت اقول كلام محد راح يفهمه لانه ماعرفني عن قرب ولا فهم قصتي بس انا فاهمه شنو أقول يعني الى الان مسيطره على عقلي ))

أنا أكتفي بهذا القدر لاني حاسه اني تضايقت وحسيت اني بديت أفتح جروح قديمه وهيضتها مشاعري بموضوعك


يعطيك الف عافيه يالغالي

دموع الالم (( ملسونه وعنيده ))[/align]