عزيزتي نثيه ..
تدرين في الديره عندنا مشكله عوده .. الكل يشكي من الامير الين اصغر واحد من الفساد .. وكان الكويت كانت في العهود السابقه بؤرة فساد اداري ومالي .. وبصراحة الكل عارف الخلل وين والمشكله وين بس لانه قوم مكاري تعودو على الشكوى والتحلطم من بلدية وغير بلدية وكلنا عارفين انه اذا كان رب البيت بالدف ضاربا فشيمة اهل البيت كلهم الهز والرقص واشياء ثانية بعد.
المصيبه لما الواحد تجمعه قعده بالصدفه بديوانية او خارج الكويت مع شيخ او وزير او مسؤول عود تاخذنا البوهه واحنا نسمعه يشكي لنا احنا المواطنين الغلابا الي على قد الحال من الفساد الاداري والمالي مستهلا موضوعه ومنتهيا بجملة "الشق عود".
الين متى والشق عود انا افتكر الشق مو عود الا الثوب صار خرجه ممزعه من كل صوب وما يفيد الترقيع .. والبلديه خرابها منها وفيها من ايام التثمين لما الحين ولا وزير معين بمرسوم اميري ما يقدر على مدير وافتكر تذكرين سالفة احمد باقر ويا محمد عيد النصار.
انزين شالحل .. جهاز خدمة المواطن ولا جهاز الامن الوطني ولا جهاز الفيديو .. بصارحه ما ادري الا انه الشق عود