[~*~عاطفية~*~]

أهداء لكل مسافر او على وشك السفر


أهداء



لا تسافر .... تو بعد .. ما خاب ظـنـّـي

لا تخلّي هالســـفر .... ياخذك مـنـّـي

هذا وإنتَ بديــرتــي .. وبْعـيد عـنـّـي

آآآه يا ويلي .... إشلون لو باكر تسافر !!!

*

من عرفتك .. وإنتَ باليني معاك

دايـماً تـزعـل .. وأدوّر عـن رضاك

تبتعد عنـّـي .. وأروح أركض وراك

وما ذكرت إني رجعت بيوم ... ظافر

*

إنسني .. في شنطة غيابك .. عطر

إقرني .. في زحمة كتابك .. سطر

أو تخيّلني .. دفى حضن .. ومطر

يا رحيل الشوق .. فيني .. شوق وافر

*

يا سماي .. وأرضي .. يا كل الوجود

لـى متى .. توعد .. ولا توفي الوعود

حس في قلبي .. وإصدمني .. وعود

لا تخلّيني .. ترى هالبعد ... كافر

*

إذكر الله .. وإترك اللي قلت عنّك

السفر لو به رضا ... سافرت منّك

كل شي أرضاه منّك .. إلاّ إنّك :

تترك الديرة وتخلّيني ... وتسافــر


لا تسافر