يعطيك العافيه كويتي - ميشيل
انا قبل كنت اتكلم دون معرفه
بس امس كنت بزيارة بيت اهلي وهناك كان وجود شخص برتبت عقيد
وقعدت اتكلم معاه بالموضوع
اقدر الخص لكم الفايده اللي استخلصتها من بعد مناقشتي معاه
بالنسبه للقضيه الاولى :
الولد - البنت
الشرطي غلطان عند استخدام الطلقه التحذيريه
لانه مو راكب دوريه باختصار مباحث مو شرطي
لو ان الرجل كان راكب دوريه لاختلف الوضع 60 درجه
في هذه الحاله يحق للشرطي انه يطلق النار مو بس طلقه تحذيريه
يمكنه ان يطلق النار بشكل مباشر اذا امتنعت السياره الاخرى عن الوقوف لرجل الدوريه بهالمكان الحساس والخطير
لان الولد اللي راكب السياره مايدري انه صاحب الجيب مباحث فلما شاف اطلاق نار طبيعي ينحاش لانه خاف
اما لو كانت دوريه فيحق له ان يجعل جسد الولد والبنت مثل المشخال
ولو انحاشت السياره ولم يتم اطلاق النار من قبل الدوريه سوف يحاكم الشرطي بالتقصير في اداء واجبه وهي حمماية المنشأه
القضيه الثانيه :
( سرقة الدوريه )
الشرطي تصرفه صحيح 100 %
وهذا على حسب كلام العقيد انه شرطي محنك للاسباب التاليه
اولا :
لم يطلق النار لان السرقه كانت في شارع عام وممكن يكون فيه ضحايا في حالة تهور الجرم
ثانيا :
لو اطلق النار على تواير السياره اوكي وقف السياره وبعدين ؟؟ سوف يقوم الممجرم باطلاق النار وهم راح يكون فيه ضحايا
ثالثا :
اتصال الشرطي ب 777 للابلاغ عن سرقه ثم اتصاله بالقياده
وهذا تصرف صحيح
وفي شغله ثانيه
المفروض الشرطي يذهب الى المخفر للتبليغ عن السرقه
الامر صار بيد القياده بحيث ينصبون له كمين
ثالثا :
الان يتم التحقييق مع الشرطي في عدم استخدامه للسلاح تدرون ليش ؟؟؟
للرأي العام
يعني
علشان الناس كلها تعرف ان مره ثانيه اذا احد فكر انه يسرق دوريه يخاف قبل لايفكر بالسرقه لان القياده اعطت تصريح في هالحاله استعمال اطلاق النار
وهذا ربما يكون رادع قوي للمجرمين
طبعا الاطلاق مجرد كلام بس تخويف :)
القضيه الثالثه :
يحق للشرطي في اي وضع وفي اي مكان اطلاق النار اذا كان تحت تهديد او في حالة اشهار سلاح في وجهه
وهي حماية ودفاع عن النفس
القضيه الرابعه :
سألته عن استخدام اللاسلكي
قالي الحين في شبكه داخليه تدار بالتلفونات يعني احسن من اللاسلكي بمليون مره
اما من ناحية خروجه منفرد فهذا غلط بس احنا ماندري شنو الاسباب اللي خلته يطلع منفرد وهذا سوف يكشف عنه التحقيق
طبعا كان يناقشني بين وقت يضحك وبين وقت يعصب
فسألته انت ليش متوتر وانت تكلمني
قالي انتو مشكله بصراحه
لو الله يفكنا من الرأي العام والجرايد احنا وديرتنا بخير
ياجماعه رجل الامن شايل كفنه بيده وانتو قاعدين تفتون بروحكم
هذا يقول اطلق وهذا يقول لا يطلق
حطو ببالكم ان الشرطي رجل كويتي ممكن يكون زوجج او ولدج او اخوج او ابوج
يعني رجل ممكن بأي لحظه يموت
ليش ماتفكرون بهالنقطه
خلاص عندك سلاح وشفت خطر على طول اتصرف
قلت له اشلون يطلق لابد من ابلاغ القياده
قالي ابلاغ القياده اذا كان فيه كمين مثلا
مداهمة شقه يوجد فيها مروجين او دعاره او مجرمين بعد نصب الكمين وقبل المداهمه يأخذ الشرطي الامر من القياده في حالة الخطر يسمح لك باطلاق النار
يقولي الشرطي عنده سلاح مو علشان يخشه بجيبه ويكشخ فيه
هذا اللي اذكره من خلال المناقشه
اتمنى اني وفقت بنقل وجهة نظر هذا الرجل
كان قاعد معانا ضابط بالجنائيه يستمع الينا اخر شي قال جمله وحده
ياجماعه عيب ديرتنا انها معطيه المجرم اكبر من حقه
ياخي هذا مجرم وخطر على ديرتنا يعني موتته حلال وراح يصير رادع قوي لباقي المجرمين
بس للاسف الديره توقف مع المجرم وهذا السبب في كثرة الاجرام
تعبت من الكتابه ههههههههههههههههه