مشكور اخوي ديفل على الطرح
والله الموضوع صراحه حساس بوقتنا الحالي ..
دائما بدايات الاشياء صعب تقبلها في كل زمان .. في بدايات وجود السيارات في الخليج كان الناس يشوفون هاالآله شي ملبوس كان فيه جن ويحركه وتقبلهم لهالشي كان معدوم الى ان تعودوا .. بعده جا التلكس والفاكس والتلفون وكانوا في مناطقنا الخليجيه يعتبرون جهاز التلفون اول بداياته نوع من انواع السحر انك تكلم انسان يبعد عنك الآف الكيلو مترات كانه قاعد جنبك .. مرت الايام وتقبل الناس الموضوع ... وصار شي عادي ... الى وقت قريب كان جهاز الموبايل كمالي والان اصبح ضروري .. منو منا يقدر يستغني عن مبايله؟؟ صعب اعتقد .. وهذا الحال الي حاصل الان بالنسبه لقيادة المرأه للسياره مرت اوقات ممنوع البنت تقود سياره والان شوف حواليك ... انا اشوف ان الزمان تغير والفكر تغير على حسب متطلبات الوقت الي احنا عايشين فيه وحسب الظروف ...
لو كنت في خط سفر وتعبت صحيا لاسمح الله ولا كان يمك الازوجتك ومافيه ارسال موبايل .. ماكنت تتمنى انها تعرف القياده ؟؟؟ انا ترا من الناس الي اعارض قيادة المرأه للسياره الا في حالة الضروره او في حالة ظروفها صعبه ولا فيه من يقوم مقام رب الاسره عندها وهنا انا صراحه مالومها .. احسن من سواق اجنبي
اتمنى تتقبلون رايي برحابة صدر
يعطيكم العافيه