هذة قصيدة اخترتها لكم لشاعر مغمور واسمة (طلال العتيبي)
(((اهدي هذه القصيدة لمن ارادها)))
تـوك صغيـره وابتديتـي تحبيـن
من علمك ليـل السهـر ياصغيـره
بدري عليك العشق يابنت هالحيـن
حرام هذا القلب وشهـو مصيـره
انتي بريئه في الهوى ليه تشقيـن؟
صدماتـه لقلبـك تراهـا خطيـره
عيشي الطفولة واتركي الحب بعدين
وادروبه طـوال عليـك وعسيـره
الشوق يفضح لاانكشف داخل العين
وانتي بنفسـك ماهقيتـك بصيـره
إن كان قصـدك بالمحبـة تسليـن
بالعكـس بتشوفيـن هـمّ وحيـره
الحب قبلـك هـز نـاس كثيريـن
خلاّ القلوب تعيش خـوف وغيـره
طيعي كلامي واحـذري لاتماديـن
تراجعي عسى فـي الأمـر خيـره
عيشي الطفولة والبراءة لك سنيـن
وبعديـن حبـي لاغديتـي كبيـره