غلطة عمر وادفع ثمنها على طول... وأعيشها محروم أيامي المقبلاتي
بحر دخلته وصرت أنا فيه مجهول... بين الأماني والأوهام ضاعت حياتي
سيف البعد صارع القلب مسلول... يقطع رجائي بالوصل ولا يحقق نجاتي
ما عاد لي قوة أتحمل ولا عاد لي حول... حظي أمبرقع أدري والتعاسة عباتي
وإن قلت أحبك ماهو مجرد قول... هذي حقيقة برددها لو شفت فيها مماتي
يمكن بالجنون توصفني أو تقول مخبول... ويمكن ما دريت عني ولا حسيت لوعاتي
لكن بقول "أحبك" وارددها وأعيد القول
أحبك وأحبك وأحبك وهم أحبك... ما همني لو بيضيع في الوهم باقي حياتي