[بنت السويدي]

النوع رقم 1

**متنح**

هذا النوع إذا وقف تلقاه يدخل جو ويقعد يتخيل ويناظر بالدركسون ويندمج

حتى اذا فتحت الإشاره يبيله ساعه علشان يفك من التتنيحه ويمشي

تكون الإشاره وقتها طفت فـ يضطر انه يدخل جو مره ثانيه





النوع رقم 2

**وجه المرايا**

هذا طال عمركم إذا وقف مغير يناظر وجهه بالمرايا شوي ويدخل فيها

يمشط شعره وغالبا يكون موجه المرايا على وجهه ومخلي القرعه ترعى





النوع رقم 3

**حك الدماغ**

طبعاً هذا النوع هو الأكثر شيوعاً بين طبقات المجتمع

بغض النظر عن كون الشخصراعي موتر مترف او موتر سكراب

تلقاه مشير صبعه السبابه في خشمه وقاعد ينقب عن النفط

وفعلا تكون هناك امجاد واكتشافات عظيمه

واذا انتهت العمليه مسح صبعه بالكرسي وانطلق





النوع رقم 4

**Look At Me**

هذا نوع يموت ويشوف الناس تناظر فيه

وعادة مايكون مرفع صوت المسجل على الآخر وفاتح النافذه عالخفيف

حتى لو أنه مشغل المكيف وحتى لو الناس صيف أهم شي

اللي حواليه يناظرونه وإذا شافك تناظره يقعد يطالعك من تحت لتحت

ويبشقلك ابتسامه صغيره بحيث انك تبتسم ضاحكاً عليه

وهو يفكرك معجب فيه وإذا فتحت الإشاره يمشي قدامك

ويضرب لك إشارات يمين يسار





النوع رقم 5

**هواة السوبربان**

هذا النوع أنا أقدرهم وانبسط عليهم بالحيل

تلقى راعي الـ جمس مركب عيال الحاره كلهم وشاحن الموتر

وإذا وقفوا عند الإشاره يشتغلون لك يمين يسار رقص

وتشوف السياره تروح يمين يسار كأن عليها هيدروليك





النوع رقم 6

**والله مخاوي**

هذا النوع يكثر لدى أصحاب السيارات الفخمه

أتحداك توقف عند إشاره ماتلقاه ماسك النقال ويكلم

ومميل راسه على جنب شوي ويضرب في القزازه وتلقاه يناظر نظرات ذكيه

يشوف هل في أحد ملاحظ أنه يكلم ولا لأ ؟





النوع رقم 7

**داخل جو**

وهالنوع يجيك مقفل النوافذ ومشغل المكيف صيف وشتاء

ومرفع صوت المسجل عالآخر ومنسجم مع الأغنيه

وقاعد يغني مع المطرب ولا داري عن الي حواليه

مع أن الي حوله ملاحظينه بس مادرى عنهم وطبعاً يقدر الفن الأصيل





النوع رقم 8

**والله أشرب دخان**

هذا النوع ماتحلى له السيجاره الا إذا وقف عند الإشاره

ويفتح النافذه على النص ويجلس يسحب سيجاره عند كل إشاره

لين مايوصل إلى وجهته المرتقبه





النوع رقم 9

**بلوتوث**

يتميز من يتصنف هذه النوعية بميزة البثاره

ماغير يسوي بحث عالبلوتوث ويرسل للي جنبه بالإشاره

وعادة مايحاول يستظرف ويرسل لك رقمه

مع أن النك نيم حقك واضح أنه حق تمساح





النوع رقم 10

**بحث عن البنات**

يميز الجيل الجديد من المراهقين بميزة جديده

وهي الترقيم بطرق جديده يعني لو شاف بنات بجنبه وحب يرقمهم

يجلس يطامر ويحوس ولا يسوي بريك بنزين

ولا أنه يحط المعروض الي مكتوب عليه السياره للبيع ورقم الجوال

وحظك نصيبك تدق ولا ماتدق مع أنه جالس يحتريها من الصبح





النوع رقم 11

**لايمكن الإتصال به الآن**

هذا النوع للمتزوجين والمواعدين فقط

تلقاه داخل عالم ثاني مع الي جنبه وساحب على أبو الدنيا ومافيها

والله يحق له ماينلام

بس أحذركم لاتقعدون تطالعون فيه والله الي يحقد عليك

ويحدك حدّه أليمه يصعدك الرصيف





النوع رقم 12

**المطوع**

هذا الله يسلمكم إذا شافك مطول عالمسجل ولا شي يضرب لك هرن

ويسألك عن مسجد عشان تتعظ وتعتبر ومرات يحاول يعطيك اشرطه دينيه

الله يجزاهم الف خير ويهدينا جميعاً





النوع رقم 13

**ورع وصار رجل**

هذا الي توه متعلم يسوق وتلقاه مستلج بالإشاره

مرات يدعس بنزين والقير فاضي

ومرات يرقص السياره ومرات يتفنن في الرقص مع أنه بلحاله

نسأل الله العافيه