[lolowa]

يقول احمد.............................

كنت نايم.. وبعالم الأحلام هايم..
مادري في شو كنت أحلم
مره احس اني اسوق سياره..
ومره اقول كنت مضيف طياره..
كان الجو بارد..
وكنت متغطي وشارد..

رن التلفون
وقلت ياترى من يكون؟؟
هذا المزعج هل هو صديق ولا مزيون..
هل هو عاقل ولا مجنون؟؟
رديت عليه وانا كلي شك وظنون!!
وبـرقه بعد ماكنت عصبي انا انسان حنون..

سمعت صوت ماتوقعته.. :
ولا في خيالي تخيلته..
ولا حتى بحلمي سمعته..

بنت.. << بدأ الحماس

قلت هلا
وقالت اهلين..
نوره موجوده؟؟

قلت وأنا صوتي رايح فيها.. <<<النوم مقطعه
لحظه شوي بناديها..
وجلست أصوت واقول نوره .. يامن نوره يلاقيها..
ورديت للسماعه وقلت مادري وين راحت الله يهديها..

بس دقيقة ماعندنا نوره!! <<<شوف الغباء
وبادر البنت خوف!!
قالت آسفه غلطانه..
قلت ولا يهمك عادي لا تكونين زعلانه؟؟
مايهم اذا ماعندنا بالاسم فلانه..

وقالت شكلك كنت نايم..
قلت لا.. توني قايم.. <<طبيعي الكذب في هالمواقف
قالت تدرس ؟؟

قلت الدراسه خلاص باح..
انتي شكلك تدرسين؟؟
كيف اختباراتك ؟؟ عسى أنكم مرتاحين..
قالت باقي لنا ونخلص يومين
وخايفه والله من مادتين..
قلت من الاختبارات لآ تخافين..
دامك الليل تذاكرين..
وعلى الله تعتمدين..
واللي يزرع جح ( بطيخ ) ما يحصد يقطين..
أهم شي انك ماتنسين..
قبل الاختبار الله تدعين..
ومن إبليس تتعوذين.. << هذي نصايح حق عشوووق
خلقه من نار وخلقنا من طين.. وجلسنا نسولف في أمور..
من شو اسمك الين غلاء المهور.. <<<<الاخ يفكر بعمق


قالت اسمي (ود) وقلت لها انا احمد..
وقالت صدفه غريبه اسامينا فيها دال..
تصدق كنت اتمنى يسموني نوال!!
تصدقين وانا كنت اتمنى يسموني جمال

وجلسنا نسولف في بحور الشعر والموال..
وماهمنا كلام الناس والعذال..
وفجاءة خلصت السوالف ولا لقينا اللي ينقال؟؟
وسكتنا..


وبدلع.....قالت أنت تشجع الاتحاد ولا النصر؟؟

قلت في قلبي.. مادري أجاوبج بكف ولا بنعال..
بالله عليج هذا سؤال؟؟

قلت أناهلالي.. وما يهمني القيل والقال.. << احلى
هذا هذا النادي حبه طاح في القلب ولا ينشال..
والشمس مايغطيها مشخال..

قالت شمعنى الهلال !!..
قلت يا بنت.. الهلال فن ولعب ويفوز باللي حضر..
وجمهوره له كلمة وامر..
يابنت..لا تغريني بالكثير..
لو تضربين مليون بصفر تساوي صفر.. << احم قام التفلسف

و حتشرنا وشبينا.. بس بسرعه انطفينا..
الظاهر بعضنا هوينا..
وبدرب الحب ابتدينا..

قالت.. احمد..
قلت آمري يا ود..
قالت اوصف لي شكلك..

هذا وين توهقنا.. ..
شوفي العرب لونهم واحد
ولسانهم واحد.. واحلف بالله ولا غيره أحد
أني مو طويل ولا قصير..
شعري ناعم مثل الحرير.. <<<ايه هين

قالت والعيون..
قلت العيون شبرين في ثلاثه اشبار
قالت اسد..
قلت شكرا يا احلى شهد

المهم ان تواعدنا..
والموعد باكر في المول قررنا..
بين خوف وامل تواعدنا..

وقضيت ليلتي في حيرة..
وش البس؟؟ جنز ولا كندوره والله حيرة..
مافي غيرها يفك الحيرة.. شيشه و تعميرة..


ورجعت للبيت اعاتب امسي وابتسم لغدي..

وبصعوبة نمت.. قعدت اتجلب وون..
يا قلبي قلي شو اللي من الحب اهون؟؟

غريبه هالدنيا غريبة..


وراحت ليلتي.. وزادت بلوتي..
اليوم موعدي.. انا والحب بنلتقي..

وكشخت
لبست فوق راسي شماغي....
في مكان اللقاء تغيرت حتى خطوتي..
صرت ارتجف واترنح بمشيتي..
كائني انساق للموت وهاذي نهايتي..

مو سوالف شجاعة.. هذي اكبر بطولاتي..
اذاخسرت بتضيع احلى امنياتي..
جلست ادور والف وحول المكان اطوف..
وين هاذيك العين اللي عليها قلبي ملهوف..
ود؟؟ ياليت الناس تيي وتشوف..





وفجاءة..

*
*
*
*
*
*
*
*
*
*
وصلني مسج..
يقول..
سويتها فيك يا احمد....
ارجع بيتكم وخل عنك هسوالف ياتـعبان ....


روح نام ....
تعيش وتاكل غيرها ...
و سويتها فيك .. ..






:المرسل









الــــوالــــدة <<<<طبيعي ماعرفها لانو كان نايم وهو يكلم

تعيش وتاكل غيرها

mangola by lolowa