انا بالنسبه لي اذا يه الريموت في ايدي (طبعا بعد عناء يوصل بيدي)
المهم اذا يه اقعد ادور من رقم واحد مااحب ابدي من الوسط لازم ابدأ من اول وطبعا احنا مبرمجين رقم واحد الكويت وانت رايح الثانيه والخ وبعدين قنوات دول الخليج بعدين الدول العربيه وبعدين دول الاسلاميه وبعدين دول غير اسلاميه وبعدين المشفره وطبعا المشفره لانها تسوي وشششش اعرف انه خلاص ارد تنازلي ....
المهم اذا شفت برنامج معين مومهم فلم مسلسل ثقافي كوميدي اي شي حلوو بايخ المهم اشوفه مووو بسبب تضييع وقت وانما احب اخذ اكبر كم من الاخبار والاحوال اللي وصلتله التلفزيون في سنة 2006 ووين وصلوا الناس وطبعا هالشي يكون في وقت الواحد يكون بس جذي قاعد وماله خلق بس يبي يفرفر بالقنوات لعل وعسى
اسفه عالاطاله وشكرااااا لك
بالتوفيق يارب وان شالله اليوم تشوف برنامج حلو على دبي وتسمع اخبار حلوه عن الرياضة بقناة sport