النوع الاول: نوع تلقاه من يدش الديوانيه لين يطلع بس قاعد يصارخ و مسوي لجه و لويه جنه خبل و ضحكته عاليه جنه واحد مو لود بالشارع.
النوع الثاني: اول ما يدش الديوانيه تلقاه يسلم و يقعد شوي يسولف ومن يرن الموبايل تلقاه سكت و خمر و قام يتبوسم و يضحك و يتقلب من مسند ليه مسند شوي تلقاه طلع بره و يقعدون ساعتين يسألون وين فلان يقولون طلع بره.
النوع الثالث: واحد هوايته الجذب و من اول ما يدش الديوانيه يرفع الخشم و يتفيخر جدام ربعه و طبعا اهو مسكين لان ربعه يدرون انه كلكجي و ودهم يحذفونه من الدريشه بس الاحترام للموجودين.
النوع الرابع: هذا النوع عاد عجيب، طبعه يتكلم عن الناس و رفيجاته البنات و يقول انا رفيجتي اسمها جذي و تسوق جذي و ساكنه اهني يعني كل كلامه عن البنات و يحب يسولف عن مغامراته مع البنات اللي يعرفهم .
النوع الخامس: هذا النوع معقد تسولف معاه ساكت الكل يضحك و يسولف و هو ساكت ما تدري شنو يبي او شنو في باله ،علشان جذي ربعه يعطونه بولباس لان اذا قعدت معاه راح تصير معقد.
النوع الساس: هذا النوع يموت على لعب الجنجفه جنه ياي بس عشان يلعب جنجفع و من يلعب و يخلص يطلع من الديوانيه لا و اذا يا الديوانيه و ربعه لاعبين قبله تلقاه يبوز و يتحلطم و تلقاه ماشي يدور على ديوانيه ثانيه ما لعبوا جنجفه.
النوع الاخير: هذا عاد المسكين اللي اهو صاحب الديوانيه، اهو اللي عليه الجاي و المكسرات و يقعد يرتب و يسنع و ياما استكانات انكتت على الزوليه و يانا اوراق جناجف قام ايمعها من و راهم
لكم مني احلا تحيه اختكم الزين...........