قطوه خوش موضوع واتمنالج التميز الدائم
لما يصير نصيب بين الطرفين ونصك عالريال القفص الذهبي ونقط المفتاح في ابعد مكان (عاد فيه خير خاليلقاه) يمكن مايكون في شي اسمه حب بس مجرد انهم تزوجوا لانه سنة الحياة ومع مرور الوقت ونفس ماتفضلتي وتفضلوا الاعضاء يتكون العشره عاد ممكن يتحول للحب بينهم لدرجة انهم يقولونه حق بعض بقوه ويعلنون عنه حق بعض ويكون اهني الزواج الناجح وحتى لو صارت صعاب عادي يواجهونه الا اذا اشياء الواحد ماله يد فيها ونعتبره استثناءات.
بس المشكله اذا كان الحب من طرف واحد يعني الوحده مومقصره والزوج حبها ومع العشره عشقها (صايره لاتقولون حجي فاضي) بس الزوجه ماتحبه, كابو لاعيالها وكعشره تحترمه بس كحب لا ماتبيه (او العكس الزوج مومقصر ببيته بس مايبيها وهي ميته فيه) اهني انا اقولج وايد صعب انه الزواج يستمر واذا استمر بيكون على حساب الشخص نفسه بيكون ضحيه عشان اعياله وعشان البيت وعشان .... بس بيعيش دايما بداخله حزن وباي فرصه شاف اللي يرتاحله قلبه بيتعلق وبيعيش في نار وبيكون بين نارين (امبيه تذكرت كنافة بين نارين سعبلت ههههه) فبيكون الزواج مستمر بالشكل وجدام الناس سعيدين بس بداخل الشخص حزن عميق.
وطبعا في مجتمعنا صعب الواحد يعرف شريكه الا عقب الزواج عشان جذي هالمشكله بتم ابديه والسالفه بتظل قسمة ونصيب وحظ والله يكتب اللي فيه الخير
مع تمنياتي للكل بالسعاده والحب دائما والحظ الوفير
واسفه على اطاله شكرا