انوسه هالموضوع الخطير صاير حقيقه مؤلمه مو بس من الخدم مع الاسف حتى بره بالشارع يخطفون هاليهال المساكين ويغربلون فيهم الله يغربلهم انشالله
احنا بهالزمن صعب نستغنى عن الخدم ووايد معتمدين عليهم بس نفس ماتفضلتي كلامج صح المفروض يكون في مراقبه ,اهتمام ,حرص مو نهد الحبل عالقارب ونخليهم على كيفهم مع الاسف اهمال الاهل وانشغالهم بكثره مخليهم ينسون واجباتهم تجاه اطفالهم وهذا تقصير
المفروض الام او الاب لااقل دايما يراقبون الوضع يحاولون يخلون الامور دايما تحت السيطره عشان اذا صار ماصار يتداركون الوضع بسرعه قبل تفاقم الامور ويحاولون بعد يسولفون كدردشه مع الاطفال (اللي بعمر يفهم ويتكلم)
يعني يوضحوله بطريقه او باخرى بانه لايخاف, اذا صار شي يقول لاهله وهم يخشون سره يعني يفهمونه بطريقه وباسلوب يخلونه يكون مرتاح لايخاف ويتصور اشياء يخلي بعيد عنهم
والله يحمي هاليهال ويحفظهم يارب
شكرا لج عالموضوع سلمت يمناج ويمنا اللي على الطيب رباج