هلا وغلا بقلم الشبكه النابض
شوف انت وجهة نظرك صحيحه
بس لاتعم عليهم كلهم
القضايا مثل ما احنا عارفين تنقسم الى جنايات وجنح
يعني من القتل الى شيكات بدون رصيد مثلا
انا معاك ان المجرمين لازم الواحد يعطيهم على قفاهم بس هم في ناس ثانين لهم معامله خاصه
علشان مايختلط الحابل بالنابل
شوف من قبل تقريبا اسبوعين انا مع ناس كنا نتكلم بموضوع المساجين وحالتهم بالسجن وطرق المعامله معاهم
وجهات النظر تباينت طبعا الاغلبيه منهم قالوا لازم يعاملونهم معامله زينه لان هذول عيال ديرتنا كافي السجن هم تظلمونهم حرام عليكم
طبعا هذي وجهة نظر العاميه من الناس
انا وجهة نظري المفروض كل سجين يعامل ابشع واردى المعاملات علشان اذا طلع من السجن مايفكر يدشه مره ثانيه كلش
يكون درس قاسي عليه
بس تدري شنو المششكله
ان اللي عنده فلوس بالسجن يعيش ملك
كل شي متوفر لهم للاسف
طبعا قبل فتره كلنا سمعنا عن بيع المخدرات في السجون
والله لين الحين في واحد مسجون مؤبد بسبب التجاره بالمخدرات
تدري انه وهو في السجن قاعد يبيع لشبابنا برا السجن مخدرات ؟؟
انا يوم سمعت ماصدقت
اشلون داخل السجن ويبيع ؟؟
بعدين عرفت انه معاه موبايل وان عنده ناس برا السجن يتصل عليهم ويقول لهم في مكان معين حطوا كذا وكذا وكذا
ويتصل على الشاب ويقول له شغلك موجود بهالمكان
طيب وين ادارة السجن ؟؟؟
اشلون دخل الموبايل ؟؟؟
وين المراقبه الدقيقه للاتصالات ؟؟؟
وايد في اخطاء
كل الاستفاده ننالها من خلال الاستمتاع بمناقشتك الرائعه يارائع
تقبل احترامي وتقديري