نثيه شكرا للموضوع اللي بتحينلي فرصه مااقول اتناقش وانما تاكيد على كلامج واشد من كلماتج (نفس اللي يقول اشد على ايدج بقووه لاني واثقه من الصحه)
مع الاسف التامل يااامه اتاملنا وشفنا وهالكلام صحيح الحياة بدات بجريمه والجرائم مستمره هاذي حال الدنيا بس الارهاب الصقت فينا شمعنا, نفس ماتفضلتي
مع انه لو تشوفين منذ القدم دشوا باراضينا (العربيه) واستعمروا وانتدبوا وصارت ذبح ونهب وسلب والخ... ولالحين
بس خلى من صوبنا ناس تقوم عليهم بسرعه خذوا موقف عدائي وسموا ارهاب والجاني والضحيه كلهم يدفعون الثمن
يعني هم يذبحون فينا واعيالنا موحرام وهم اذا ماتوا عندهم حرام
انا مااقول اني مع القتل او مع هالطريقه في تبادل الجرائم او انهم يختطفون ابرياء او يقتلون نساء او اطفال او غيره لانه مااعتقد انه الاسلام امر بهالشي ولااعتقد انه هذا يعتبر جهاد, لانه له اصول وله احكام.
واذا انتي شايفه انهم حاملين السلاح ضدنا ويعتبرونا ارهاب فهذا اعتقد لانه انخلط الحابل بالنابل ومع الاسف بينا ناس هدفهم تشويه الاسلام مباشرة او غيرمباشر.
الحجي طووويل والاراء اطول بس اكتفي بهذالقدر واكيد للحديث بقيه لانه هالمواضيع ماتنضب
شكرا لج
بوفارج اسمحلى برد صغير لاني عقب ما ارسلت ردي شفت ردك فرجعت اكمل بسطر ردا لك:
تقول انه العالم يسمح لهم امتلاك اسلحه واحنا لا؟
ابووي احنا جذي وتعال شوف الحاله مع الاسف عيل شالحال لو امتلكنا اسلحه
اخاف يقولون دهنا في مكبتنا وعينك ماتشوف الا النور ولا طايحين تجربه فينا لاابوي مادام هذا حالهم ماينفع معاهم سلاح ولا بطيخ تعال شوف بعض الدول العربيه(المجاوره مانبي نذكر اسم) طايحين تذبح ببعضهم وغير البعض الدول الثانيه (المجاوره منى مناك) بس يبون يهلكون من ابناء ديرتهم عشان مسائل محليه عاد تخيل لو بيدهم سلطه وسلاح وبلاوي ....
الله يستر علينا بس شكرالك