والله الله يعينه على هل ظاهره
بس تذكرت قصة شابين كويتيان
تخرجا من امريكا
الاول منهدس غابات
والثاني مهندس ذري او ما شابه
يعني برايج اختي نثيه وين الحكومه توظفهم
نعم نعلم ان شمال الكويت بها غابات وانهار الخويسات
لكن عندنا اكتفاء من هل وظائف
وايضا مهندس الذري
هذا وين نحطه
انا لو مكان الحكومه
لحفرة سرداب بالعبدلي
ووضع مواد كيماويه وادخلت المهندس بالسرداب واقفلت عليه
واتركه لمدة سنتين مع تزويده بالماء والطعام
على وعسى ان يخترع صابون جديد يكتب عليه صنع بالكويت
اما الشاب الثالث وهو خريج جامعة الكويت
كلية الشريعه يريد ان يتوظف بالمطار
هذا وين الحكومه ترقع فيه وين تحطه الحكومه
ما اعتقد ينفع طيار
ولا ينفع بالملاحه الجويه
الا اذا تم الاستعانه به كملاج المطار خدمه 24 ساعه
يعني شوفي بعض الشباب
يستحون يتوظفون بوظائف مهنيه
مو متعود على حرارة الشمس
وايضا هناك القوات المسلحه بجهاتها المختلفه
ليش ما يدشون ولا عيب البس عسكري واوقف بالشمس
البشره حساسه وراح تتغير الولد اشقر وين يقعد بالشمس
وبعدين مامي ما ترضى يدش العسكريه ولد حصوه احسن من ولدي
مهندس شنو يعني مهندس شنو الفرق بينه وبين ولدي
اهو جامعه وولدي رابعه متوسط الا اشوفله واسطه واخليه
رئيس قسم المهندسين واحر حصوه
والف شكر لج اختي نثيه