قمة الفائده ننالها من خلال مرورك المتميز
بصراحه معلومات حلوه
للاسف ان انا اجهل كثير من امور الامن في البلاد
والله يحمي شرطتنا يارب
اسمع الكثير والكثير من صديقاتي عن قسوة الشرطي بس لين الحين ماصار معاي موقف يبين قسوتهم
بالعكس كل المواقف تبين وقوفهم بص بنات ديرتهم
قبل تقريبا اسبوعين
طق باب شقتي
قلت منو
محد رد
كررت منو يمكن اكثر من 4 مرات
محد رد
طليت من العين السحريه
لقيت شخص مصري وبيده اوراق
المهم فتحت الباب
قالي الاحصاء ومطلوب تعبين بيانات
طلبت منه اثبات انه يشتغل بوزارة التخطيط او انه مكلف بالاحصاء
قالي والله نسيتها
قمت وسكرت الباب بويهه
يطق الباب مافتحته
اذاني
حتى جيراني طلعوا من شققهم
المهم
فتحت الباب انا معصبه
قالي هذي ورقه لازم تعبينها
قلت له انت حمار ماتفهم
لاتطق الباب على ومابي اسوي الاحصاء
بعدها بيومين وصلت لي ورقه ان احنا مطلوبين لتحقييق اذا ماعبينا البيانات
طنشت الورقه انا
بعدها بيومين ثانيين
طق باب شقتي
منو
الشرطه
فتحت الباب
شرطي + المصري مال الاحصاء + وواحد كويتي لابس دشداشه كبير بالسن
قلت لهم نعم
قالي انت تهجمتي علي مندوب من الوزاره ورفضتي التعاون معاه ومطلوب التحقيق معاج
قلت للشرطي
صحيح هالكلام
مو بس تهجمت عليه انا شقيت الورقه بويهه بعد
قالي ليش
قلت له انا اشدراني انه مندوب
قالي عنده الهويه لابسها ومعلقها
قلت له سلامتك انا طلبت منه الهويه قالي ناسيها
وانا ماقدر اعطي احد بياناتي الشخصيه
اتصدق تدري شنو ردة فعله
قالي تسلم ايدج وتصرفج 100 %
ولو طاقته ومكسرته هم معاج الحق
الكويتي الكبير بالسن الظاهر رئيسه
قاله انت محول للتحقيق
قلت له الحين شنو المطلوب
قالي نبي ناخذ البيانات كامله للاحصاء
قلت له اتفضل داخل
قالي في ريال بالبيت ؟
قلت له لا
قالي اسمحي لي خليني هني احسن
والله والله ان الشرطي يكتب البيانات وهو قاعد القرفصاء على الارض وحاط الورقه على ركبته
تدري شنو كبر بعيني
بس انا استغرب من كلام بعض صاحابتي
ادري عورت راسك ههههههههههههههههههههه
تسلم ياخوي لسعة صدرك