تسلمين بسمه ياقلبي على المداخله
بوفارج
انا معاك ان العنوسه من الطرفين زادت بزمننا
بس هذا مايعطيه الحق ان يتزوج بمثل هالطريقه
بالنسبه للمهر
الحمد لله ان الحكومات ساعدت في حل هالمشكله
انا اتكلم بالنسبه للكويت
اعطيت كل واحد يبي يتزوج مبلغ وقدره 4000 دينار
وخصصت له منزل
وزادت معاشه
بالنسبه للزوجيه حسب علمي تقريبا 180 دينار زياده للمعاش
وعلى كل طفل ينولد جديد مبلغ وقدره 50 دينار زياده على المعاش
يعني بالعربي مافي مايمنع للشباب من الزواج بالطرق التقليديه
بس انا ممكن اوضح لك وجهة نظري واللي حاصل مع كذا واحد اعرفه
يكون متزوج وعنده اولاد ومستقر نفسيا وأسريا
يقولك انا ابي اتزوج بعد ثنتين وثلاث واربع
بس للاسف ظروفي ماتسمح لي بالزواج اكثر من وحده
فيضطر انه يتزوج عن طريق مايسمى بزواج المسيار
مو خسران شي
تناسا واجبات الزوج على زووجته
وتناسا حقوقها
زواج يشبه الزنا بس متوج بالشريعه الاسلاميه للاسف