يعطيكم العافيه
احب اشكركم لتوضيح وجهات نظركم
بالنسبه لكلامكم كله سليم 100 %
بس انا الحين فهمت كويتي عدل
ياجماعه كويتي يبي يقول لكم ان في اوامر مسبقه بالسماح لاطلاق النار في حالات الضروره
يعني مايحتاج الى أمر
وبالنسبه لميشيل
|
يعني كذا مره توقفني دوريه وانزل من السياره قبل لا يطلب من الشرطي النزول يعني ما اشوف احد فيهم اطلق النار علي؟؟
|
انا معاك
بس هذا يعتمد على حسب نوع المكان
يعني مثلا لما تنزل لدوريه بشارع المطاعم مو نفس لما تنزل لدوريه امام قصر الشيخ او امام القنصليه الاميريكه
بالنسبه للولد المكان اللي نزل فيه مكان فيه شبهه من وراء نزوله
وياجماعه كلام كويتي صحيح
حتى الشرطي ترى ولدنا وهم شباب وكويتي وتلقا عنده اسره وعيال واولاد وزوجه
المفروض خوفنا يصير على الشرطي اكثر من غيره
من حق الشرطي انه يحمي نفسه ويحصن نفسه
هذي طبيعة وظيفته
الشرطي رجل محاسب ومطلوب منه اتمام الامن في دائرته
يعني لو مثلا هالشاب انحاش وقتل البنت ومثل بجثتها
منو اول شخص راح يحاسب ؟؟
انا اجزم واؤكد لكم ان الشرطي راح يحاسب
انت اشلون تشوف السياره في هالوضع وماتصرفت
هذي اقل كلمه تنقال
قسما بالله لو الشرطي في المطارده هو اللي مات جان قلنا كلمه وحده
وي مسكين يالله الله يرحمه
بس وانتهت السالفه
انا الحين فهمتك كويتي
وبصراحه كلامك مقنع 100 %
وهم كلام ميشيل وبوفارج مقنع 100 %
وجهة نظر ميشيل صحيحه مو من حق الشرطي اذا نزل له شخص يطلق النار
يعني مثلا تتمشى على البحر ونزلت للشرطي طبيعي مو من حقه يطلق النار
بس اذا كنت في مكان مشبوه اكيد له الحق في اطلاق النار
اما من ناحية اخوي بوفارج
|
أولا رجال الأمن عندنا في الأردن في حال خرجوا لمطاردة يلبسون صدّارات واقية من الرصاص "مو مكشوفين"، مزودين برشاشات (م 16) غير المسدسات. يعني فيه معدات....1
|
صدقني اخوي الفاضل
اانا بالنسبه لي اذا ابي اطلق النار مااراح اطلق على الصدر
لان ممكن يعيش
انا راح اطلق على الجمجمه مباشره
واظن ان الدروع الواقيه لاتحمي الجمجمه :)
هم كلامك منطقي في ان الشرطه مدربين على تجاوز هالامور هذي كلها
الحين بسألك سؤال
انت شرطي وكنت بدوريه تلاحق سياره وفجأه اطلق صاحب السياره طلقات ناريه عليك
وأتت مسانده للحرامي واصبحوا سيارتين او ثلاثه
في هالحاله تطلق النار للدفاع عن نفسك
ام تنتظر الاوامر ؟؟
بس قبل الاجابه
ابيك تحط نفسك بهالموقف
يعني تخيل انك بالدوريه والناس بالليل وسيارتين يطاردونك ويطلقون النار
طبعا انت راح تكون خايف وهذا شي طبيعي وراح تكون مرتبك
ودايس السياره باقصى سرعه علشان تلحقهم
طبعا الجو راح يكون متوتر لانها مطارده بالسلاح
هل بهالوقت تفكر انك تاخذ اوامر بحماية نفسك ؟؟
ماشاء الله عليكم قمة الاستفاده في المناقشه مع عقليات كبيره
الله يعطيكم العافيه يارب